सरकार जनताका अपेक्षा अनुरुप देश विकासमा अगाडि बढ्नुपर्छ: भीम रावल
नेपाल कम्यूनिष्ट पार्टी (नेकपा)का स्थायी कमिटी सदस्य भीम रावलले सरकारले जनताको ईच्छा आकांक्षा अनुरुप काम गर्नु पर्ने बताएका छन् ।
साँफेबगरमा प्रेस संगठन नेपाल जिल्ला समिति अछामले आयोजना गरेको पत्रकार सम्मेलनमा बोल्दै नेता रावलले दुई तिहाई बहुमत भएको वर्तमान सरकारले जनताका अपेक्षा अनुसार देश विकासमा अगाडि बढ्नु पर्नेमा पर्ने बताएका हुन् ।
नेता रावलले प्रतिपक्ष भएको भन्ने आरोपको खण्डन गर्दै आफूले सरकारको प्रतिपक्ष भन्दा प्रतिरक्षा गरिरहेको धारणा ब्यक्त गरे । उनले आफू कम्यूनिष्ट पार्टीको सदस्यता लिएसँगै स्वाधीनता, स्वतन्त्रता, अखण्डता, स्वाभिमानको पक्षमा अडिग रहेको बताए ।
