खुःशीको खबर इन्टरनेट देखि सबैले १३ प्रतिशत शुल्क बढाउँदा तर नेपाल टेलिकमले भने फेरी यस्तो सेवा थप्दै हेर्नुहोस् ।
साउन १ गते अर्थात भोली देखि लागु हुने गरी इन्टरनेटको शुल्क बढ्ने भएको छ । इन्टरनेट सेवा प्रदायकहरुले भोलिदेखि लागू हुने गरी इन्टरनेटको मूल्य वृद्धि गर्ने भएका हुन् । योसँगै उपभोक्तालाई इन्टरनेटको शुल्क १३ प्रतिशतले महङ्गो हुने भएको छ ।
सरकारले लगाएको दूरसञ्चार सेवा शुल्क इन्टरनेट सेवा प्रदायकले साउन १ देखि ग्राहकबाटै उठाउने निर्णय गरेपछि इन्टरनेटको शुल्क महंगो हुने भएको हो । गत बर्ष गरेको सहमति सरकारले कार्यान्वयन नगरेकाले आफूहरुले दूरसञ्चार सेवा शुल्क सर्वसाधारणबाटै उठाउने निर्णय गरेको इन्टरनेट सेवा प्रदायक संघले जनाएको छ ।
सरकारले दूरसञ्चार नियमावली संशोधन गरी दूरसञ्चार सेवा शुल्कको ५० प्रतिशत रकम कर छुट हुने व्यवस्था गरिदिने र ५० प्रतिशत दूरसञ्चार सेवा प्रदायकले ब्यहोर्ने सहमति भएको संघको दाबी छ । यस्तै, नेपाल टेलिकमले इन्टरनेट शुल्क बृद्धि नहुने स्पष्ट पारेको छ । सरकारले इन्टरनेट सेवामा १३ प्रतिशत दुरसञ्चार सेवा शुल्क लगाउने निर्णय गरिरहेकै बेला टेलिकमको यस्तो अभिव्यक्ति बाहिर आएको हो ।
ग्राहकको सेवा र सुविधालाई ध्यानमा राखेर इन्टरनेट शुल्क वृद्धि नगरिएको टेलिकमका सहप्रवक्ता कृष्णप्रसाद भण्डारीले आज विज्ञप्ति जारी गरी जानकारी दिनु भएको छ । विज्ञप्तिमा इन्टरनेट शुल्क बढाउनुको साटो सेवाग्राहीलाई झन् बढी सहुलियत दिने उद्धेश्यका साथ समर अफर कार्यक्रम ल्याइएको बताइएको छ ।
