विश्वकप क्रिकेटको फाइनल आज : जित्ने टिमले कति पाउछ पुरस्कार राशी ?
विश्वकप क्रिकेटको आज फाइनल खेल हुदै छ । फाइनलमा यस पटक दुवै अहिलेसम्म विश्वकप नजितेका इङल्याण्ड र न्युजील्याण्ड पुगेका छन् ।
लिग चरणमा तेस्रो र चौथो स्थानमा रहेका यी दुवै टिमको भिडन्तमा कसले बाजी मार्ने हुन् अब सबै क्रिकेट प्रेमीको ध्यान त्यसतर्फ रहेको छ ।
अन्तर्राष्ट्रिय क्रिकेट परिषदले विश्वकपमा एक करोड अमेरिकी डलर पुरस्कारको रुपमा वितरण गर्दै छ । जसमा विश्वकपको उपाधि जित्ने टिमले ४० लाख डलर पुरस्कार पाउने छ । त्यस्तै उपविजेताले २० लाख डलर पुरस्कार रकम पाउने छ ।
त्यस्तै सेमिफाइनलमा पराजित हुने दुई टिमले हरेकले ८-८ लाख अमेरिकी डलर पाउने छन् । त्यस्तै लिग चरणमा हरेक खेल जितेबापत प्रति खेल ४० हजार डलर पुरस्कार रकम पाउने छन् ।
त्यस्तै लिग चरण पार गर्न नसकेका ६ वटै टिमले एक-एक लाखका दरले रकम पाउने आइसीसीले जनाएको छ ।
