एक छोरा र दुई छोरीसहित आत्महत्या गर्न एक महिलाले कोशी नदीमा हाम फालिन
आफ्ना छोरा र छोरीसहित आत्महत्या गर्न कोशी नदीमा हाम फालेकी महिला र उनको छोराको उद्धार गरिएको छ । तर छोरीहरु भने अझै फेला पर्न सकेका छैनन् । सप्तकोशीको कोशी ब्यारेजबाट हाम फालेकी महिलाको नाम भने प्रहरीले सार्वजनिक गर्न चाहेको छैन ।
शुक्रवार छोराछारीसहित सप्तकोशीमा हाम फालेकी ति महिला र उनका छोराको उद्धार गरिएको छ । हनुमाननगर कंकालिनी नगरपालिका १ भारदहस्थित कोसी ब्यारेजबाट शुक्रबार साँझ करिब ८ बजे हामफाले थिइन । ३५ वर्षीया महिलाले परिवारसहित किन आत्महत्या गर्न खोजिन त्यो भने खुल्न सकेको छैन । बालकको शुक्रवार साँझ उद्धार गरिएको थियो भने महिलाको शनिबार बिहान उद्धार गरिएको हो। छोरीहरुको अबस्था भने अझै अज्ञात रहेको छ ।
बालकको पुल नजिकै र महिलाको पुलबाट करिब ४ किलोमिटर तल पलार भन्ने स्थानबाट प्रहरीले उद्धार गरेको छ । दुवैको स्थानीय भारदह अस्पतालमा उपचार भइरहको छ। भने अन्यको खोजिकार्य जारी राखेको प्रहरीले जनाएको छ ।
