अमेरिकामा दुई दशक यता कै शक्तिशाली भूकम्प, ठुलो क्षतिको आशंका
अमेरिकामा दुई दशक यता कै शक्तिशाली भूकम्प गएको छ । दक्षिणी क्यालिफोर्नियामा ६ दशमलव ४ रेक्टर स्केलको भूकम्प गएको हो । लस एन्जलसबाट २ सय ४० किलोमिटर उत्तरपरुर्वी रिज्क्रेस्ट शहर केन्द्रबिन्दु भएर दुई दशक यता कै शक्तिशाली भूकम्प गएको बीबीसीले जनाएको छ । भूकम्पका कारण केही ठाउँमा क्षती पुग्नुका साथै आगलागी पनि भएको छ ।
भूकम्पको केन्द्र भएको स्थानमा निकै नै क्षति भएको स्थानीय भूगर्भविद् प्राध्यापक जोह रन्डलीले बताएको बीबीसीले उल्लेख गरेको छ । उनले धेरै जनसंख्या भएको क्षेत्रबाट भूकम्पको केन्द्र टाढा परेकोले बढी क्षति हुन नपाएको बताएका छन् । भूकम्पको केन्द्र भएको स्थानमा दर्जनौँ भवनमा आगलागी भएको आशंका गरिएको छ । मानवीय क्षतिबारे भने सार्वजनिक गरिएको छैन ।
