डोनाल्ड ट्रम्पले भने अमेरिका तेस्रो विश्वयुद्ध लड्न तयार छ
अमेरिकी राष्ट्रपति डोनाल्ड ट्रम्पले हालै दिएको एक अन्तरवार्तामा यदि जापानमाथि हमला हुन्छ भने अमेरिका तेस्रो विश्व लड्ने तर अमेरिकामाथि हमला भएको स्थितिमा जापानले त्यस्तो गर्न आवश्यक नहुने बताउनु भएको छ । फक्स विजनेस न्युजलाई दिएको एक अन्तरवार्तामा ट्रम्पले उक्त ब्यंग गर्नुभएको हो । राष्ट्रपति ट्रम्प शुक्रबार जापानमा हुने जी २० शिखर सम्मेलनका क्रममा जापानी प्रधानमन्त्री सिन्जो आबेसँग भेटघाट पनि भएको छ ।
अमेरिकी राष्ट्रपति ट्रम्प एसिया प्रशान्त क्षेत्रमा सैन्य उपस्थितिमा भइरहेको खर्चलाई लिएर प्राय अमेरिकी सहयोगीहरुसँग विवाद गर्दै आइरहनु भएको छ । अमेरिका यी सैन्य सम्झौतामा अनावश्यक खर्च गरिरहेको ट्रम्पलाई लाग्छ । ब्लुमबर्गमा छापिएको एक समाचारमा ट्रम्पले जापान तथा दक्षिण कोरिया ‘कस्ट प्सस ५० ‘ फर्मुलामा काम गरोस भन्ने चाहेको बताइएको छ । उक्त निति अन्तर्गत ती दुई दैशले अमेरिकी सैनिकको पुरा खर्च उठाउनु पर्ने र त्यो बाहेक ५० प्रतिशत धनरासी अमेरिकालाई बुझाउनु पर्ने भन्ने रहेको छ ।
आगामी दिनमा दुई देशबीच कस्तो खालको द्विपक्षिय सम्झौता हुन सक्छ भन्ने प्रश्न ट्रम्प समक्ष राखिएका थियो । १९६० को मध्यदेखिको उक्त सैन्य सम्झोताका सम्बन्धमा ट्रम्पले फोक्स न्युजलाई दिएको उक्त अन्तरवार्तामा भन्नुभयो, ‘यदि जापानमाथि हमला भएमा हामी तेस्रो विश्व युद्ध लड्ने छौं । हामी त्यहाँ जानेछौं । हामी उनको रक्षा गर्नेछौं ।’
उहाँले अगाडी थप्दै भन्नुभयो, ‘हामी आफनो जिन्दगी र आफनो धन लगाएर लडनेछौं । जुन सुकै मुल्यमा लडने छौ । तर यदि हामी माथि हमला हुन्छ भने जापानले हाम्रो मद्दत गर्नु विलकुल आवश्यक छैन । उ हामी माथि भइहरको हमला कुनै सोनी टीभीमा हेरेर बस्न सक्छ ।’ विश्वमा करिब हरेक देशले अमेरिकाबाट धेरै फाइदा उठाएको उहाँको आरोप छ । यो कुरा मान्य नभएको भन्दै उहाँले अब यो परिवर्तन हुने जानकारी दिनुभयो ।
