ओलीले भने ४–५ दिनमा नै प्रचण्डलाई प्रधानमन्त्री पद छाड्छु
नेपालमा अहिले सरकार परिवर्तनको चर्चा भइरहँदा दिल्लीमा रहनु भएका प्रधानमन्त्री केपी शर्मा ओलीले प्रतिकृया दिनु भएको छ । नेकपाका अध्यक्ष समेत्त रहनु भएका ओलीले अर्का अध्यक्ष पुष्पकमल दाहालले सार्वजनिक गरेको ‘आलोपालो सरकार चलाउने’ सहमति पुरानै कुरा भएको स्पष्ट पार्नुभएको छ ।
भारतका नवनिर्वाचित प्रधानमन्त्री नरेन्द्र मोदीको सपथग्रहणका क्रममा दिल्लीमा रहेका प्रधानमन्त्री ओलीले आज त्यहाँस्थित नेपाली सञ्चारकर्मीसँग कुरा गर्दै यो कुरा कुनै नयाँ विषय नभएको बताउनुभयो । उहाँले अनावश्यक कुरा उचाल्ने नेपालीको चरित्र नै यस्तो भएको समेत आरोप लगाउँनु भएको छ ।
नेकपाका अध्यक्ष दाहालले एक टेलभिजिन अन्तर्वार्तामा एक वर्षअघि पार्टी एकीकरणका क्रममा भएको ‘आलोपालो सरकार चलाउने’ सहमतकिो प्रसंग उठाउँदै दुवै अध्यक्षबीच कुनै समस्या नरहेको स्पष्ट पार्नुभएको थियो । उहाँले समय आएपछि प्रधानमन्त्री ओलीले कुर्सी छाड्न अफट्यारो नमान्ने भन्दै आफुलाई पनि कुनै अफट्यारो नभएको बताउनु भएको थियो । ओलीले कुराकानीका क्रममा एकीरणका बेलाको सहमति अनुसार तपाईको प्रधानमन्त्री पद एकवर्ष मात्रै बाँकी छ नि भन्ने प्रश्नमा ओलीले ‘एक वर्ष हैन ४–५ दिन मात्रै बाँकी छ’ भन्दै हाँसेर जवाफ फर्काउनु भएको छ ।
