गृहजिल्ला पुगेर ऐँसेलु टिप्दै, यसरी बाल्यकाल सम्झे बाबुरामले [१० तस्वीर]
लामो समय देखि वैकल्पिक शक्ति निर्माणमा लाग्नु भएका डा.बाबुराम भट्टराई आफ्नो गृह जिल्ला गोरखा पुग्नु भएको छ । समाजवादी पार्टीका अध्यक्ष भट्टराईले मासिक निर्वाचन क्षेत्र भ्रमणका क्रममा आइतबार गोरखा पुगेर ऐँसेलु टिप्दै गोठाले बाल्यकालको सम्झना गर्नुभएको छ ।
उहाँले ऐँसेलु टिपेको तस्वीर सार्वजनिक गर्दै यस्तो जानकारी दिनु भएको छ । उहाँले केही तस्वीर फेसबुकमा राख्दै लेख्नु भएको छ । मासिक निर्वाचन क्षेत्र भ्रमणको क्रममा यस पटक गोरखा–२ को ठाँटीपोखरीदेखि बयापानी,पाँडेवेसी,केरावारीसम्म लामोसमयदेखि अवरूद्ध दूधपोखरी सडकमार्ग निर्माणको निरिक्षण गरियो !
त्यहाँदेखि माथि अझै अपूरो रहेको पाउँदा दुःख लाग्यो ! थप बजेट रकमान्तर गराएर यो बर्ष ट्रयाक पूरै खोल्ने अपेक्षा गरिएको छ ! फर्कनेक्रममा ऐतिहासिक सिरानचोकको काखमा अवस्थित चित्रे पोखरी र हर्मी भन्ज्यांगमा रमाइलो जनभेटघाट गरियो ! आफ्नो पालामा शुरू गरेको भच्चेकसम्मको सडक निर्माण तीब्र रूपले कालोपत्रे भैरहेको पाउँदा निकै हर्षको अनुभूति भयो !
