यस्तै ताल हो भने नेकपा पनि तासको घरजस्तै ढल्छ : ईश्वर पोखरेल
नेपाल कम्युनिष्ट पार्टी(नेकपा)का सचिवालय सदस्य तथा कार्यवाहक प्रधानमन्त्री ईश्वर पोखरेलले विचारमा स्पष्ट नभए कम्युनष्टि पार्टी तासको घर जस्तै ढल्ने बताएका छन् ।
विश्वका धेरै देशमा सत्ता र शक्तिमा आएका कम्युनिष्ट पार्टीहरु विघटित भएको उल्लेख गर्दै उनले परिवर्तित सन्र्दमा नेकपा पनि राजनीतिक कार्यदिशा र विचारमा प्रष्ट हुनुपर्ने बताए ।
युवा संघ नेपालले आफ्नो २९ औ स्थापना दिवको अवसरमा काठमाडौंमा बुधबार गरेको कार्यक्रममा पोखरेलले पार्टीको राजनीतिक कार्यदिशा स्पष्ट हुनुपर्ने बताए । अब नेकपा भित्र राजनीतिक कार्यदिशाको लागि सार्थ बहस र छलफल हुनु पर्ने पोखरेलको भनाई छ ।
नेता पोखरेलले पार्टी तजबिजि हिसाबले होइन स्पष्ट कार्यदिशा र नीति सहित चलाउनु पर्ने उनको भनाई । पार्टीलाई व्यबस्थित गर्नका लागि श्रृखलाबद्ध कमिटि प्रणाली अपनाउनु पर्ने उनको भनाई छ । नयाँ पार्टीमा पुरानो अभ्यासले निरन्तता पाए त्यसले पार्टीको दुगर्ति हुने उनको दाबी छ ।
