राष्ट्रपति भण्डारी बेलायती महारानी हो : देउवा
प्रमुख प्रतिपक्षी दलका नेता नेपाली कांग्रेस सभापति शेरबहादुर देउवाले आफ्ना पालामा भएका सबै कार्यक्रममा केपी शर्मा ओली नेतृत्वको सरकारले दाबी गरेको बताएका छन् । आइतबारदेखि संघीय संसदको प्रतिनिधि सभामा सुरु भएको नीति तथा कार्यक्रमको छलफलमा सहभागीता जनाउँदै देउवाले त्यसो भनेका हुन् ।
सामाजिक सुरक्षा कार्यक्रम, नेपालको आफ्नै भू उपग्रह, भेरी बबई डाइभर्सनलगायतका कार्यक्रम आफू नेतृत्वको सरकारले सफल बनाएका आयोजना रहेको दाबी गर्दै उनले यसमा ओली सरकारको दाबीलाई ‘बकमफुस्से’ भनेका छन् ।
सरकारले शान्ति सुरक्षा, महिलाविरुद्धका हिंसा न्युनिकरणका लागि कुनै ठोस कार्यक्रम नल्याएको बताएका उनले राष्ट्रपति विद्यादेवी भण्डारीलाई पनि विवादमा ल्याएको बताए । उनले भने,‘बेलायती महारानीको शैलीमा राष्ट्रपतिलाई उभ्यायो ।’
