बजेट पछी सुरेन्द्र पाण्डेले पाउने भए अर्थमन्त्रालयको चाबी
प्रधानमन्त्री केपी ओलीले नयाँ आर्थिक बर्षको सुरुवात सँगै मन्त्रीमण्डल हेरफेरको तयारी गरेको बुझिएको छ । सरकारले जनअपेक्षा अनुसार काम गर्न नसकेको र आफुले विश्वास गरेर जिम्मेवारी दिएका मन्त्रीहरुनै कता कता रुमलिएको निष्कर्षमा प्रधानमन्त्री ओली र नेकपाका अर्का अध्यक्ष पुष्पकमल दाहाल प्रचण्ड पुगेको स्रोतको दावी छ ।
यस अघि नै मन्त्री हेरफेरको चर्चा चले पनि केहि समयका लागी स्थगित भएको थियो । चालु आर्थिक बर्षको मध्यमा मन्त्री हेरफेर गर्दा सरकारको पर्फमेन्समा त्यसले असर पार्न सक्ने भन्दै ओली पचण्ड पछि हटेका थिए । यस अघि प्रचण्डले पटक पटक मन्त्री हेरफेर हुन सक्ने सार्वजनिक अभिव्यक्ति दिँदै आएका थिए ।
स्रोतका अनुसार केहि मन्त्रीलाई टिम बाटै आउट र केहिलाई सरुवा गरेर भएपनि सरकारको कामलाई प्रभावकारी बनाउँनु पर्ने ओली प्रचण्डको साझा निष्कर्ष रहेको छ । आउट हुने पहिलो लिस्टमा उधोग मन्त्री मात्रिका यादव र भौतिक पुर्वाधार मन्त्री रघुविर महासेठ रहेका छने भने गृहमन्त्री रामबहादुर थापा र अर्थमन्त्री युवराज खतिवडाको पनि खतराको घण्टी बजेको छ ।
पार्टी भित्र आफ्नो छुट्टै बलियो गुट बनाएर बसेका गृहमन्त्री थापालाई हटाइहाल्न त्यति सजिलो नदेखे पछि उनलाई सरुवा गरेर भएपनि गृहमन्त्री बाट हटाउने तयारी गरिएको बुझिएको छ । उधोगमन्त्री यादव र भौतिक पुर्वाधार मन्त्री महासेठ भने मन्त्री पद जानेमा मानसिक रुपमा तयार देखिन्छन् । उनिहरुले सार्वजनिक रुपमानै आफु लामो समय मन्त्री पदमा बस्न नपाउँने संकेत गरिसकेका छन् ।
यता मन्त्री बनाइँदै धेरैको अरुचिकर पात्र बनेका अर्थमन्त्री युवराज खतिवडालाई पनि हटाउन प्रधानमन्त्री ओली माथि दवाव परेको छ । ओली अहिले पनि खतिवडा माथि पर्ख र हेरको अवस्थामा छन् भने खतिवडा को पक्षमा बोलिदिने नेकपामा ओली बाहेक सबै सकिएका छन् । प्रधानमन्त्री ओली खानेपानी मन्त्री विना मगर लाई पनि जतिसक्दो छिटो बिदा गर्न चाहन्छन् तर प्रचण्डको बुहारी भएका कारण त्यसो गर्न ओलीलाई गारो हुने बुझीएको छ ।
विश्वस्त स्रोतका अनुसार प्रचण्डको गृहजिल्लाका सांसद पुर्व अर्थ मन्त्री सुरेन्द्र पाण्डेलाई अर्थ मन्त्री बनाउँने हो भने विनालाई मन्त्री बाट फिर्ता बोलाउँन प्रचण्ड तयार रहेका छन् । खाली रहेको संस्कति पर्यटन तथा नागरिक उडेयन मन्त्रालयमा प्रचण्ड योगेश भट्टराईलाई मन्त्री बनाउँन चाहन्छन् भने ओलीले पार्वत लाई मन्त्री बनाउँने वचन दिएको स्रोतको दावी छ । अव लगत्तै लोकप्रीय बजेट ल्याएर मन्त्रीमण्डल हेरफेर गरेर भएपनी सरकारको गियर बढाउँने निष्कर्षमा नेकपाका अध्यक्षद्धय ओली र प्रचण्ड पुगेका छन् ।
