कैलालीको लम्की तनावग्रस्त, प्रदर्शनकारी र प्रहरीबीच झडप हुँदा ८ जना घाइते
कैलालीको लम्की बजारमा आज प्रहरी र प्रदर्शनकारीबीच झडप हुँदा ७ जना प्रहरी र एक सर्वसाधारण घाइते भएका छन् । मंगलबार विहान ट्रकको ठक्कबाट युवतीकोे मृत्यु भएपछि कैलालीको लम्की बजारमा भएको तनाग्रवस्त स्थितिलाई नियनत्रण लिने क्रममा उनीहरु घाइते भएका हुन् ।
प्रहरी र प्रदर्शककारीबीच झडप हुँदा ७ जना प्रहरी घाइते भएको जिल्ला प्रहरी कार्यालय कैलालीका प्रवक्ता तथा प्रहरी नायव उपरीक्षक दक्ष कुमार बस्नेतले बताए । उनले एक जना सर्वसाधारण समेत घाइते भएको जानकारी दिए । उनले प्रदर्शनले उग्र रुप लिएपछि भीड नियन्त्रण गर्न केही राउण्ड हवाई फायर गरेको बताए । घाइतेहरूको लम्की स्थित लालरत्न अस्पतालमा उपचार भइरहेको छ ।
मृतकका आफन्त र स्थानीयबासीले ट्रक तोडफोड गरेपछि लम्की बजार तनावग्रस्त भएको हो । आज बिहान ना ७ ख ९२३३ नम्बरको ट्रकले ठक्कर दिँदा सोही ठाउँकी स्थानीय सुनिता रावलको मृत्यु भएको थियो । मृतकका आफन्त र स्थानीयहरूले दोषीलाई कारबाहीको माग गर्दै पूर्वपश्चिम राजमार्ग अवरुद्ध गरेका छन् ।
