श्रममन्त्री गोकर्ण विष्टको परिवारले पिउने पानीको ट्याङकीमा विष हालिएको फोन आएपछि…
श्रममन्त्री गोकर्ण विष्टको परिवारले पिउने पानीको ट्याङकीमा विष हालिएको फोन आएकाे छ । गुल्मीको इस्मा गाउँपालिका–४ दोहली बाँझस्थित श्रममन्त्री बिष्टको घर–परिवारसहितका गाउँलेले पिउने पानीको ट्याङकीमा विष हालिएको भन्ने हल्ला फैलिएपछि तनाव उत्पन्न भएको हाे ।
सोमवार विहान मन्त्री विष्टका दाजु एवम् इस्मा गाउँपालिका प्रमुख लक्ष्मण विष्टलाई स्थानीय एक महिलाले ट्याङ्कीमा कसैले विष राखिदिएको बताएकी थिइन् । उनले उक्त ट्याङकीको पानी परीक्षण गराउन सदरमुकाम तम्घासमा लिएर बाटोमा आउँदै गरेको जानकारी विष्टले दिए । उक्त ट्याङकीको पानी मन्त्रीविष्टको परिवारसहित वडा नम्वर ३ र ४ का करिव ५ सय घरधुरीले उपभोग गर्दै आएको बताइएको छ ।
