नेकपाका अध्यक्ष प्रचण्डले भने पार्टी एकता टुंगियो, घोषणा हुन मात्र बाँकी
नेकपा अध्यक्ष प्रचण्डले पार्टी एकता टुंगिएको घोषणा गरेका छन् । सोमबार औपचारिक रुपमा घोषणा हुने उनले जानकारी दिए ।
आइतबार नेकपा ३ नम्बर प्रदेश कमिटिले नेकपाको ७० औँ स्थापना दिवसका अवसरमा गरेको कार्यक्रममा प्रचण्डले एकताको सम्पूर्ण काम टुंगो लागेको बताए ।
सिद्धान्तलाई मुख्य आधार पारेर काम सकिएको बताएका उनले अनुहार हेरेर निर्णय नलिइएको बताए ।
जिल्ला तहसम्म र जनवर्गीय संगठनको एकतामा दुई अध्यक्षबीच सहमति भइसकेको भन्दै त्यसलाई औपचारिक रुपमा टुंग्याउने जिम्मा कार्यदललाई दिएको प्रचण्डले बताए । आइतबार सचिवालयको बैठकले सबै कुरा टुंगोमा पुराउने उनको घोषणा थियो ।
