युएईमा यी नेपालीहरुको हर्कतले विश्व चकित, थाहाँ पाउँदा सबैको होस उड्यो !
नेपालमा पनि विकासका सवालमा समयसमयमा बहस हुने गर्दछन् ।
तर विकासका विषयमा बहस हुँदै गर्दा एक अर्काको हत्या भएको सायदै घटना होलान तर यूएईको रसअलखेमामा यस्तो भएको खुल्न आएको छ ।
यहाँ एक नेपालीको चक्कु प्रहारबाट अर्को नेपालीको ज्यान गएको छ ।
एउटै कम्पनीमा कार्यरत सँगै बस्ने दुई नेपालीबीचको भनाभनपछि ठूलो रुप लिँदा चक्कु प्रहारबाट पाल्पा तानसेनका तिलक चौधरीको ज्यान गएको हो ।
रसअल खेमामा सरसफाइ गर्ने कामदार सप्लाई गर्दै आएको बेस क्लिनिङ कम्पनीमा कार्यरत भोजपुरका युगेन्द्र राईको चक्कु प्रहारबाट चौधरीको ज्यान गएको बताइएको छ ।
गत सोमबार दिउँसो रक्सी खाएका बेला उनीहरुबीच नेपालका आफ्नो गाउँमा भएको बिकास बारे भनाभन भएको थियो ।
भनाभनका क्रममा राईले तिलकलाई चक्कु प्रहार गरेको उनीहरु सँगै काम गर्ने साथीले बताए ।
उनले भने, ‘कामगर्ने ठाउँबाट खाजा खान कोठामा आउँदा उनीहरु बसेर रक्सी खाँदै थिएँ, तिलकले पाल्पामा ठूल्ठूला गाडी चल्ने बाटो रहेको र देशकै नमुना जिल्ला भएका भने, अनि रमेशले आफ्नो गाउँको मान्छे देशको राष्ट्रपति भएको र पाल्पामा भन्दा भोजपुरमा विकास भएको भन्दै भनाभना गरिरहेका थिए ।
भनाभनै क्रममा युगेन्द्रले तिलकलाई चक्कु प्रहार गरेका हुन् । घटनापछि स्थानीय प्रशासनले अनुसन्धानका लागि ३ जना नेपालीलाई पक्राउ गरेको थियो ।
पक्राउ परेकामध्ये दुई जना नेपाली छुटेर काममा फर्किएका छन भने राईलाई थप अनुसन्धानका लागि जेल चलान गरिएको छ ।
