प्रधानमन्त्री र सातै प्रदेशका मुख्यमन्त्रीहरुबीच बालुवाटारमा भेटवार्ता
प्रधानमन्त्री केपी शर्मा ओलीसँग सातै प्रदेशका मुख्यमन्त्रीहरुले भेटवार्ता गरेका छन् । आज बिहीबार बिहान प्रधानमन्त्री निवास बालुवाटारमा मुख्यमन्त्रीहरुले प्रधानमन्त्रीलाई भेट गरेका हुन् ।
उनीरुको भेट अहिले जारी रहेको प्रधानमन्त्रीका प्रेस संयोजक चेतन अधिकारीले बताए । अधिकारीका अनुसार मुख्यमन्त्रीहरुसँग भेटघाटको विशेष एजेन्डा थिएन ।
तर विकास परिषद्को बैठकका लागि काठमाडौं आएको मौकामा प्रधानमन्त्रीसँग सबैले एकैपटक भेट गरेका हुन् । यद्यपि नीति तथा कार्यक्रम र आगामी वर्षको बजेटबारे उनीहरुबीच छलफल हुने बताइएको छ ।
