म सरकारको विरोध गर्छु तर पार्टीमा साथीहरु मेरै विरोध गर्छन : देउवा
पछिल्ला दिनहरुमा नेपाली कांग्रेसभित्र गुट उपगुटको राजनिित निकै मौलाएको छ । यो बिचमा यसको दोष जत्ति सबै सभापति शेर बहादुर देउवाको काँधमा आउँने गर्दछ । नेपाली कांग्रेसका सभापति देउवाले पार्टी भित्रै आफ्नो आलोचना भैरहेको बताउनु भएको छ ।
दाङको लमहीमा नेपाल प्रेस युनियनले आयोजना गरेको पत्रकार सम्मेलनमा उहाँले आफूले सरकारको आलोचना खुलेरै गरिरहेको समयमा पार्टी भित्रै आफ्नो आलोचना हुने गरेको जिकिर गर्नुभएको छ । कार्यक्रममा बोल्दै उहाँले भन्नुभयो, ‘म ओली सरकारको खिलाफमा जान्छु । आफ्नै साथी मेरो खिलाफ गर्छन् ।’ यस्तै उहाँले जनमत संग्रहको नाममा देश टुक्राउन नपाइने बताउँनु भएको छ ।
सरकारले सीके राउतसँग गरेको सहमतिबारे देउवाले भन्नुभयो, ‘उसले जनमत संग्रह नै भन्या हो भन्छन् कुरा के हो सरकारले भन्नुपर्छ, तर देश टुक्राउन पाईँदैन, सीके राउत अथवा विप्लव सबैलाई शान्तिपूर्ण राजनीतिमा ल्याउनुपर्छ ।’ उहाँले बारा र पर्सामा भएको हावाहुरीको घटनामा केन्द्र सरकार जिम्मेवार नभएको आरोप लगाउँदै आउँनु भएको छ ।
