प्रधानमन्त्री ओलीको यो भनाईले विश्व चकित !
समयसमयमा आफ्नो बयानका कारण चर्चामा आउँने प्रधानमन्त्री प्रधानमन्त्री केपी शर्मा ओलीले नयाँ बयान दिनु भएको छ । प्रधानमन्त्री ओलीले दालभात तरकारीले औषधीको काम गर्ने बताउनु भएको हो ।
मंगलबार राजधानीमा आयोजित ६२ औं राष्ट्रिय सहकारी दिवसको उपलक्ष्यमा आयोजित कार्यक्रममा बोल्दै प्रधानमन्त्री ओलीले हामीले खाने सबै खाना औषधी भएकाले आधुनिकताका नाममा अन्न र फलफूललाई पागल बनाउन नहुने बताउनु भएको हो ।
उहाँले भन्नुभयो, ‘पागल फलफूल अर्थात् आफ्नो उमेर बिर्सनु, साइज बढाउनु र हलक्क बढाउनु,’ प्रधानमन्त्रीले भने,‘हामीले पागल फलफूल बनाउनु हुँदैन । फर्सीजत्रो सुन्तला बनाउनु हुँदैन।’ उहाँले लसुन,बेसारलगायत कुरा औषधी भएको समेत्त उल्लेख गर्नुभएको छ । उहाँले भन्नुभयो, ‘हामीले खाने सबै औषधी हो ।
दालभात तरकारी औषधी हो । यो खाए ट्याबलेट खानु पर्दैन ।’ उहाँले आधुनिकीकरणले बढी उत्पादन गर्ने धुनमा हामी तिनलाई पागल बनाउने भएका हुनाले बिरामी हुने पनि जनाउँनु भएको छ । प्रधानमन्त्री ओलीले दूध बिकेन भने कुराउनी बनाउनु पर्ने बताउनुभयो ।
