हावाहुरी प्रभावित क्षेत्रमा कांग्रेसले खटायो बिमलेन्द्र निधि, सांसदहरुले दुई दिनको तलव दिने निर्णय
बारा र पर्साका हावाहुरी प्रभाबितलाई सहयोग गर्न नेपाली कांग्रेसले नेता बिमलेन्द्र निधिलाई फिल्डमा खटाएको छ । मधेसमुलका नेता निधिसँगै नेपाली कांग्रेसले नेता कार्यकर्तालाई उद्धार र सहयोगमा जुट्न निर्देशन पनि दिएको छ । नेपाली कांग्रेसका सभापति शेरबहादुर देउवाले सवै तहका नेता कायकर्तालाई रक्तदानदेखि श्रमदानसम्म पीडितलाई दिन निर्देशन दिएका छन् ।
उता कांग्रेस संसदीय दलले हावा प्रभावितको सहयोग र पुर्नस्थापनाका लागि सवै सांसदको दुई दिनको तलव दिने निर्णय गरेको छ । संघिय संसदले दुई दिनको तलव दिने निर्णय भएको प्रमुख सचेतक बालकृष्ण खाँडले बताए ।
प्रमुख सत्तारुढ दलका सांसदहरुले एक दिनको तलव दिने निर्णय गरेलगतै कांग्रेसले दुईदिनको तलव दिने निर्णय गरेको छ । पीडितहरुलाई सहयोग र पुर्नस्थापना गर्न दलहरुबीच सकारात्मक होडबाजी चलेको छ ।
