डिप्रेसनमा बलिउड सेलिब्रेटी,को? के कारणले ?



हाम्रो इकोनोमि

 

डिप्रेसनको पीडा नाम र प्रतिष्ठा कमाइसकेका सेलिब्रेटीलाई झन् बढी हुने जोखिम हुने मनोचिकित्सकको धारणा छ  ।

बलिउडमा पनि यस्ता उदाहरणहरू प्रशस्त देखिन थालेका छन्  ।

सामान्यतः असफलता वा तिरस्कारले डिप्रेसनमा जाने आमधारणा भए पनि कतिपय सेलिब्रेटी सफलताको शिखरमा छँदै पनि यस्तो समस्याबाट गुज्रिने गरेका छन् । केहीलाई एंग्जाइटी हुने गरेको छ ।

‘म ठीक हुने कोसिस गरिरहेको छु तर असफल भइरहेको छु,’ केही दिनअघि मात्रै निर्माता, निर्देशक आदित्य चोपडाले ट्वीट गरे ।

उनको उक्त ट्वीटपछि फ्यानदेखि सहकर्मीको बरोबर ढाडसका कमेन्ट्स आउन थालेपछि चोपडाले त्यसलाई थेग्न सकेनन् र ट्वीट हटाइदिए ।

पछि अर्को ट्वीटमा लेखे, ‘त्यो एउटा डार्क ह्युमर थियो । म ठीक छु ।’

घटना यति चर्को बन्यो कि चोपडाले केही समय टीटर अकाउन्ट नै डिएक्टिभ गरे । ‘धूम ३’ का अभिनेता चोपडाले यसो भनिरहँदा केही बहस जन्मिएका छन् ।

चोपडा यति बेला फिल्ममा काम नपाएको पीडामा छन् ।

त्यसैले पनि उनी डिप्रेसनमा हुन सक्ने प्रायः अनुमान लगाउन गाह्रो पर्दैन । तर केही समयअघि मात्रै अभिनेत्री दीपिका पादुकोणले पनि आफू डिप्रेसनको सिकार भएको खुलासा गरेपछि धेरै आश्चर्य चकित भए ।

सफलतामाथि सफलताको चाङ लगाएकी पादुकोणले यति बेला आफू डिप्रेसनसँग जुधिरहेको बताएकी छन् ।

आखाँभरि आँसु बनाउँदै पादुकोणले भनेकी छन्, ‘म केवल सुत्न चाहन्थें । त्यही नै मेरो बचाउको तरिका थियो ।

केवल सुतिरहने, नउठ्ने । मलाई त्यस्तो ठाउँ खोज्नु थियो, जहाँ म मज्जाले रुन सकूँ । आज पनि मलाई अलार्मसँग डर लाग्छ ।’

यस्तै बलिउडकी अर्की अभिनेत्री अनुष्का शर्माले पनि एंग्जाइटीको समस्या भोगिन् ।

अनुष्का पनि पछिल्लो समय राम्रै सफलता पाउने अभिनेत्रीमा गनिन्छिन् । तर उनले आफ्नो समस्या उजागर गर्दै यसका लागि उपचाररत रहेको खुलासा गर्दा कैयौं फ्यानहरू अवाक भएका थिए ।

सफलता नपाएर मानसिक पीडामा हुनेमा बलिउड अभिनेता टाइगर श्राफ पनि हुन् ।

आफ्नो फिल्म फ्लप भएपछि एक महिना डिप्रेसनबाट गुज्रिएको बताएका थिए भने अभिनेता शाहरूख खानले पनि सर्जरीपछि आफू डिप्रेसनमा गएको बताएका थिए ।

प्रतिक्रिया दिनुहोस
ग्लोबल आइएमई बैंकको १२ तले कर्पोरेट भवन बन्दै

  ग्लोबल आइएमई बैंक लिमिटेडले काठमाडौंको उत्तरढोकामा १२ तले अत्याधुनिक कर्पोरेट भवन निर्माण...

कोप–३१ मा महासचिव गुटेरेसको भावुक बिदाइ सम्बोधन

  संयुक्त राष्ट्रसंघका महासचिव एन्टोनियो गुटेरेसले जलवायु संकटसँग जुध्ने कार्यलाई विश्वव्यापी शान्ति, गरिबी...

कोप–३१ विरुद्ध जलवायु न्यायकालागि सडकमा उत्रिए हजारौँको प्रदर्शनकारी

    संयुक्त राष्ट्रसंघीय जलवायु सम्मेलन कोप–३१ को मध्यबिन्दुमा पुगेसँगै टर्कीको अन्ताल्यामा हजारौँ...

स्थानीय निर्वाचनलाई प्रभावकारी बनाउने लक्ष्यसहित राष्ट्रिय भेलाको तयारीमा एमाले

    नेकपा (एमाले) ले आगामी मंसिर २ र ३ गते काठमाडौंमा आयोजना...