विप्लवको यस्तो गोप्य अभियान बाहिर आएपछि जनतामा थपियो त्रास
विप्लव समुह र सरकार बिचको दुरी बढ्दै जाँदा जनतामा त्रास पनि बढ्दै गएको छ । सरकारले विप्लव नेतृत्वको नेकपामाथि प्रतिबन्ध लगाएसँगै प्रदेश ५ मा प्रहरीले उसका गतिविधि रोक्न सक्रियता बढाएको छ । प्रदेशका १२ वटै जिल्लामा उच्च सुरक्षा सर्तकता अपनाइएको प्रदेश प्रहरीले जनाएको छ ।
यो सँगै विप्लव गाउँ गाउँमा संगठन विस्तार देखि लिएर युद्धको तयारीसम्म गर्न थालेको विशेष स्रोतको दावी रहेको छ । उनी गाउँमा संगठन विस्तारमा लागेको कुराहरु बाहिर आइरहेका छन् । प्रहरी सक्रियत बढेसँगै विप्लव नेकपाको नेता, कार्यकर्ता पक्राउ पर्ने क्रम बढेको छ । पछिल्लो दुई सातामा १० जना पक्राउ परेका छन् ।
पक्राउ पर्नेमा पार्टीका जिल्ला इन्चार्ज, भातृ संगठनका अध्यक्ष, विभाग प्रमुख तथा सैन्य इन्चार्ज पनि छन् । जनयुद्धको उद्गमस्थल मानिएको रुकुम, रोल्पा तिर पुर्व लडाकुको समुहसँग मिलेर विप्लव कडा रुपमा प्रस्तुत हुने जानकारहरुको दावा रहेको छ । यता सरकारले चैत्र महिनामा सबै खालका व्यक्तिहरुलाई नियन्त्रणमा लिएर शान्ति कायम गर्ने जनाएको छ ।
