राजधानी नजिकैं बस दुर्घटनाग्रस्त आठ जनाको मृत्यु ३० घाइते
ट्रक र बस एक आपसमा ठोक्कीएपछि आठ जनाको ज्यान गएको छ । भारतको राजधानी शहर नयाँ दिल्ली नजिकको यमुना एक्सप्रेस राजमार्गमा बस र ट्रक जुधेर भएको दुर्घटनामा बसमा यात्रारत आठ जनाको मृत्यु हुनुका साथै ३० जना घाइते भएका छन् । शुक्रबार बिहानै भएको उक्त दुर्घटनाका विषयमा प्रहरीले अनुसन्धान शुरु गरेको जनाएको छ ।
घाइतेहरुलाई तत्कालै उद्धार गरी अस्पतालहरुमा भर्ना गरिएको भारतीय सञ्चारमाध्यमहरुले जानकारी दिएका छन् । घाइते हुनेहरुमा १२ जनाको अवस्था एकदमैं चिन्ताजनक रहेको छ । गत महिना पनि यमुनामा एम्बुलेन्स र कार ठोक्कीदा ७ जनाको ज्यान गएको थियो । बस चालकले नियन्त्रण गुमाउँदा दुर्घटना भएको प्रहरीले जनाएको छ ।
