डिभोर्स गरेर छुट्टिएर बसेका गायिका अन्जु पन्त र पुर्व पति मनोज राजलाई मिलाइन प्रियंका कार्कीले
दाम्पत्य जीवन सुखद नभएपछि पति मनोज राजसँग सम्बन्ध बिच्छेद गरेकी गायिका अञ्जु पन्तले हालै अचम्मको ‘सहकार्य’ गरेकी छन् ।
व्यक्तिगत सम्बन्धमा आएका विवादलाई छताछुल्ल पारेर सम्बन्ध बिच्छेद गरेको यो जोडीले भत्किएको जीवनलाई उठाउने पारिवारिक सहकार्यचाहीँ गरेका होइनन् ।
उनीहरूको यात्रा गायनका लागि भएको हो । जसको गीत र म्युजिक भिडियो बजारमा आइसकेको छ ।
युगल स्वरमा ‘सम्झे पनि तिम्रो याद’ बोलको गजलको म्युजिक भिडियो नै बाहिरिएको छ ।
मनोज राजको संगित रहेको गजलमा अञ्जु पन्त गाउन राजी भएपछि गीत आएको हो । गजल सुरेश वाग्लेले लेखेका हुन् ।
निकेश खड्काले निर्देशन गरेको गजलको म्यूजिक भिडियोमा अभिनेत्री प्रियंका कार्की, अनिल थापा र गजलकार वाग्लेको अभिनय छ । सचिन सिंहले संगीत संयोजन गरेका छन् ।
उनीहरुले सँगै स्टुडियोमा गएर गाएको भने यो नै पहिलो पट हो । उनीहरू सँगै गाउन राजी नभए पनि गजलकार वाग्लेको पहललले काम गरेको थियो ।
