पाकिस्तानसँग सम्बन्ध विस्तार गर्दा नेपाललाई हुन्छ यस्तो फाइदा !
केही दिन पहिले पाकिस्तानका प्रधानमन्त्री इमरान खानले केही दिन पछि खुःशीको सन्देश दिने जनाउँनु भएको थियो ।
पाकिस्तानले निकै बहुमूल्य खजाना हात पारेको संकेत गरेको छ ।
पाकिस्तानका प्रधानमन्त्री खानले सोमबार यस्तो घोषणा गर्नुभएको छ । कराँचीको समुन्द्री तटमा चाँडै नै एशियाको सबैभन्दा ठूलो तेल र ग्यासको भण्डार पाउन सकिनेछ ।
पत्रकारसँगको कुराकानीमा प्रधानमन्त्री खानले तेल र ग्यासको खोजी अभियानबाट सकारात्मक संकेत पाइएको जानकारी दिनु भएको छ । इमरानले अबको तीन हप्तामा पाकिस्तानका लागि सबैभन्दा ठूलो खुःशीको खबर दिने बताउँनु भएको थियो ।
पाकिस्तान बाट आएको यो खबरले नेपाललाई पनि फाइदा हुन सक्ने जानकारहरु बताउँछन ।
पाकिस्तानमा यति ठूलो परिमाणमा पेट्रोलियम खानी भेटिएमा नेपालमा कम मूल्यमा तेल आउन सक्छ । यद्यपि यसको लागि नेपालले केही पहल भने गर्नुपर्नेछ ।
पाकिस्तानको भारतसँग सम्बन्ध राम्रो छैन । उता चीनसँग भने पाकिस्तानको सम्बन्ध सुमधुर छ ।
यही आधारमा अहिलेको लागि पाकिस्तानबाट निस्कने तेलको मुख्य बजार चीन हुनेछ । चीनमा पाकिस्तानबाट आपूर्ति हुने तेलको मूल्य तुलनात्मक रुपमा कम हुने अनुमान गर्न सकिन्छ ।
यस्तो भएमा चीनमा ठूलो परिमाणमा पेट्रोलियम पदार्थ भित्रिनेछ जसको मूल्य तुलनात्मक रुपमा कम हुनेछ ।
चीनले यसअघि नै (नाकाबन्दीका बेला)नेपाललाई पेट्रोलियम पदार्थ उपलब्ध गराउने जनाइसकेको छ र यसका लागि नेपाल–चीनबीच सम्झौता पनि भइसकेको छ ।
यो सम्झौतालाई छिटो कार्यान्वयन गर्न नेपालले पहल गर्ने हो भने नेपालमा निकै सस्तो मूल्यमा पेट्रोलियम भित्रिनेछ । पाकिस्तानी प्रधानमन्त्री इमरानले पाकिस्तानी जनतासँग सफलताका लागि प्रार्थना गर्न आग्रह गरे ।
उनका अनुसार यो सफलताले पाकिस्तानको भाग्य परिवर्तन हुनेछ ।
खानले भन्नु भएको छ, ‘कराँचीमा तेल र ग्यासको भण्डार पाएपछि पाकिस्तानले यसको आयात गरिराख्नु पर्दैन । अल्लाहले चाहे हामीले तेल र ग्यासको विशाल भण्डार पाउनेछौं ।
’ १४ जनवरी देखि बहुराष्ट्रिय कम्पनीको एक समूहले कराँचीभन्दा २३० किलोमिटर टाढा समुन्द्री तटबाट अनुसन्धान सुरु गरेको छ ।
