‘ए मेरो हजुर ३’को लोक गीतमा अनमोल र सुहानाको ठुम्का
फिल्म ‘ए मेरो हजुर ३’को ‘पराना’ बोलको दोस्रो गीत सार्वजनिक भएको छ । लोक लयको गीतमा अनमोल केसी र सहाना थापाले ठुम्का लगाएका छन् ।
आशिष अविरल र अन्जु पन्तको स्वर रहेको गीतमा आनन्द अधिकारीको शब्द रहेको गीतमा आशिष अविरलको संगीत तथा संगीत समायोजन रहेको छ । यो गीतको भिडियोलाई प्रविण सिंहले कोरियोग्राफी गरेका हुन् ।
म्युजिकल लभ स्टोरी फिल्ममा अनमोल र सुहानाको मुख्य भुमिका रहको छ । अनमोल र सुहानासँगै अर्पण थापा, सलोन बस्नेत, रविन्द्र झा, रुपा घिसिङ, रक्षा गौतम, विशाल पहाडी, रेअर राई, सरोज खनाल लगायत कलाकारको अभिनय रहेको छ ।
सुहानाले आफ्नै होम प्रोडक्सनबाट निर्माण गरेको फिल्मबाट डेब्यु गरेकी छन् । सुहाना अभिनेत्री झरना थापा र निर्माता सुनिल कुमार थापाकी छोरी हुन् ।
गीतको भिडियो हेर्नुस् :
