मलेशीयामा नेपाली यौनकर्मी , बिचौलियाले यसरी गर्छन् डिल

हाम्रो इकोनोमि

 

घरेलु कामदारलगायत कम्पनीको कामका लागि पुगेका कतिपय नेपाली युवतीले मलेशीयामा यौन कर्म पनि गरिरहेको खुलेको छ ।
मनग्गे आम्दानीका लागि उनीहरू यौन कर्ममा राजीखुशीले लाग्ने छन् भने बिचौलिया महिलाले इन्डोनेशीयन, भियतनामी, भारतीयलगायतलाई पनि सम्पर्कमा ल्याउने गरेको खुलेको छ ।

 

बिचौलियाका रूपमा त्यहाँ कामदार ओसारपसार गर्ने नेपाली सवारीचालकलगायत हुन्छन् भने युवतीलाई सम्पर्कमा ल्याउने एउटा गिरोह नै सक्रिय रहेको बताइन्छ । मलेशीया प्रशासनको आँखा छलेर नेपालीको गिरोह यसरी यौन कर्म गराउने र गर्ने काममा सक्रिय रहेका तथ्यहरू फेला परेका हुन् ।

 

मलेशीया यौनका विषयमा खुला रहेका कारण नेपाली दलाल र विचौलियाले कामदार र त्यहाँ पुग्ने अन्य नेपालीका लागि युवतीको व्यवस्था गर्दै आएका छन् ।

 

विमानस्थलमा उत्रिनासाथ यौनको प्रस्तावमा ट्याक्सी चालक नेपालीले बिचौलिया महिलालाई टेलिफोन गरी कस्ता–कस्ता युवती छन् र तिनले कस्तो सुविधा दिन्छन् भनेर बुझ्ने गर्छन् । ग्राहक फेला परेको खण्डमा नेपालीसहित भारतीय, पाकिस्तानीलाई पनि सम्पर्कमा ल्याउने गरेको खुलेको हो ।

 

यस्तो डिलको अडियो संवाद कतिपय युट्युव च्यानलमा पनि भेटिन्छन् । जसमा हाकाहाकी युवतीहरूले दिने सेवा र लिने दररेटका विषयमा कुराकानी भएका छन् । उक्त संवाद अधिक भल्गर र सुन्न नसकिने भएका कारण यहाँ प्रस्तुत गर्न सकिएन । जसका रेकर्ड सुरक्षित राखिएको छ ।

 

नेपाली युवतीले एक पटक, दुई पटक वा पुरा एक रातसम्मको दररेट उक्त संवादमा बिचौलिया युवतीले खुलाएकी छन् । ३० देखि १५० मलेशीयन रिंगेट दररेट सुनाइएको छ भने पुरा रातको सेवा शुल्क ३०० रिंगेटसम्म लिने गरेको संवादमा खुलाइएको छ ।

यस्तो यौन कर्म विमानस्थल वरपर रहेका मलेशीयाका होटल, युवतीका बासस्थान र खास ठाउँमा समेत हुने गरेको बताइन्छ ।

 

कसरी पुग्छन् नेपाली युवती ?
यौन कर्ममा लाग्ने र लगाउनेहरू नेपाली बाटो नभई भारतको नयाँ दिल्लीबाट मलेशीया पुग्ने गरेका छन् । कतिपय युवतीहरूलाई अवैध हिसाबले छिराउने क्रममा भारतीय प्रहरीले पक्राउ गरी नेपालमा उद्दार समेत गरिएको छ ।

 

क्वालाम्पुरलगायतका क्षेत्रमा रहेका रेडलाइट एरियाका मसाज सेन्टर, पव र बारमा नेपाली पनि कार्यरत रहँदै आएका छन् । भारतीय र नेपाली दलालको संयोजनमा उक्त देशमा नेपाली ग्रामिण भेगका युवतीलाई लोभ र लालचमा पुराउने गरिन्छ ।

 

मलेशीयामा कार्यरत एक युवा भन्छन्,‘कयन नेपाली युवती यसरी यौनजन्य काममा सक्रिय रहेको हामीले भेटेका छौं । यहाँ अलिक खुला भएका क्षेत्रमा पर्याप्त नेपाली भेटिन्छन् ।’