‘रवी लामिछानेलाई वेवारिसे लाश’ बनाइदिने वाईसिएल नेताको धम्की !
टेलिभिजन पत्रकार रवी लामिछानेले पूर्व प्रधानमन्त्री तथा नेकपाका अध्यक्ष पुष्पकमल दाहाल प्रचण्ड विरुद्ध टेलिभिजन कार्यक्रममा बोलेको भन्दै पूर्व माओवादी कार्यकर्ता आक्रोशित बनेका छन् ।
उनीहरुले सामाजिक सञ्जाल मार्फत लामिछानेलाई निरन्तर धम्की दिन थालेका छन् ।
पूर्वमाओवादी निकट युवा संगठन वाईसिएल नेपालका कार्यकर्ताले लामिछानेको ज्यान लिने सम्मको धम्की दिएको पाइएको छ ।
वाईसिएल नेपालका काठमाडौं जिल्लाका पूर्व अध्यक्ष समेत रहेका शिव कोइराला ज्वालाले लामिछानेको वेवारिसे लाश बनाइदिने धम्की दिएका छन् ।
‘सरकार रवि लामिछानेलाई तह लगाउने हैसियत राख । अन्यथा रवि वेवारिसे लाश हुँदा तेरो अनुसन्धान गर्ने क्षमता कमजोर छ तैलाई अवगत होला है ।’ ज्वालाले सामाजिक सञ्जालमा लेखेका छन् ।दियोपोष्टबाट
