प्रहरी चढेको गाडीमा एम्बुलेन्स ठाेकिँदा ४ जना गम्भीर घाइते
नवलपुरको कावासोतीमा प्रहरी चढेको गाडीलाई एम्बुलेन्सले ठक्कर दिँदा ४ जना घाइते भएका छन् । कावासोती १६ को चालिसकिलो जंगल नजिकै लु १ च ७४२५ नम्बरको बिरामी बोकेको नेपाल रेडक्रस उपशाखा अरुणखोलाद्वारा सञ्चालित एम्बुलेन्सले प्रहरी चढेको बा २ झ १४६५ नम्बरको गाडीलाई ठक्कर दिँदा एम्बुलेन्समा सवार बिरामीसहित ४ जना घाइते भएको जिल्ला प्रहरी कार्यालय नवलपुरले जनाएको छ ।
दुर्घटनामा घाइते हुनेमा मध्यविन्दू १० बस्ने ४८ बर्षिय आनन्द जैसी, ७४ बर्षिय मान कुमारी जैसी, ८१ बर्षिय दुलनाथ जैसी र एम्बुलेन्स चालक ५१ बर्षि खुमाकान्त न्यौपाने रहेका छन् ।
घाइतेहरुको अवस्था गम्भीर रहेको र कालिगण्डकी अस्पताल कावासोतीमा उपचार भैरहेको प्रहरीले जनाएको छ । पश्चिमबाट पूर्व आउँदै गरेको प्रहरी चढेको गाडीलाई तीब्र गतिमा रहेको एम्बुलेन्सले पछाडी पट्टिको भागमा ठक्कर दिई आफै अनियन्त्रित भएर पल्टिएको प्रहरीको भनाई छ । एम्बुलेन्स सडकबाट १० मिटर तल पल्टिएको छ।
