सरकारले प्रतिबन्ध विप्लवलाई होइन, हिसा, आतंक र लुटपाटगर्नेलाई गरेको हो

नेकपाका नेता सूर्य थापाले विप्लवलाई  सरकारले लगाएको प्रतिबन्ध बारे यस्तो लेख्छन ।

एनसेलका टावरहरू ध्वस्त पार्ने, वैदेशिक राेजगार व्यवसायी राेहन गुरूङकाे घरमा बम पड्काउने, चन्दा आतंक मच्चाउने र हिंसाकाे सहारामा यस्तै के के गर्ने ?

सरकारले प्रतिबन्ध विप्लवलाई हाेइन, हिसा, आतंक र लुटपाटलाई गर्ने निर्णय गरेकाे हाे । हिंसाकाे प्रिय साधन अपनाएर शान्तिपूर्ण र खुला गतिविधि गर्न शायदै संसारमा कहीकतै मिल्छ ? कुरा स्पष्ट छ ।

याे कुरा स्वयं विप्लवजीलाई पनि थाहा छ । कुरा चपाउनु आवश्यक छैन । संविधानअन्तर्गत क्रियाशील शक्तिहरूलाई प्राप्त अधिकार, संविधान मान्न तयार भएका पक्षहरूलाई गर्ने व्यवहार त सरकारले उत्पात र हिंसा मच्चाउने कुनै शक्तिहरूलाई गर्दैन ।

र, त्यस्ताे छुट दिन सक्दैन नै । संविधान नमान्न पाइन्छ, हिंसा मच्चाउन पाइदैन । याे राजनीतिकाे कखरा जान्ने जाेकाेहीले नबुझेकाे विषय हाेइन ।अब कुरा आमनेसामने नै भएकाे छ ।

हिंसा मच्चाए- प्रतिबन्ध हुनु स्वभाविक छ । संविधान मानेर आए वा हिंसाकाे बाटाे परित्याग गरे प्रतिबन्ध फुकुवा हुन्छ ।अनि सरकारले नयाँ सहमति गर्छ !अब कुन बाटाे राेज्ने ?बल विप्लवजीकाे काेर्टमा पुगेकाे छ ।बुझ्नुपर्छ बम पड्काएर गरिएका गतिविधिहरूकाे प्रतिक्रिया हाे याे प्रतिबन्ध !!!