राजा आउन सक्छन डाक्टर राजेश अहिराज
बरिष्ट अधिवक्ता तथा राजनीतिक विश्लेषक डाक्टर राजेश अहिराजले नेपालका ७ प्रदेश खारेज गरेर ३ प्रदेश मात्र उपयुक्त हुने बताउनुभएको छ । यदि देशमा अनेकौँ फण्डाको अन्त्य गर्ने हो भने अनेक नामका प्रदेश खारेज गर्ने मागी खाने भाँडो बनेका दलहरुलाईपनि रोकेर २ दलमात्र स्थापित गर्नुपर्ने धारणा राख्नुभएको हो ।
राजपाले सरकारलाई दिएको समर्थन फिर्ता, विप्लवमाथी सरकारको प्रतिबन्ध लगायतका विषयमा जोडिएर विश्लेषण गर्नुभएको हो । राजनीतिक बिश्लेषक एवम् मधेश मामिला बिज्ञ डाक्टर अहिराजका अनुसार यीनै नेता, यही आचरण र यही व्यवस्थाबाट मुलुकले निकास पाउने छैन ।
प्रवृति यस्तै रहे मधेशमा केही बर्षभित्र बिद्रोहको ज्वारभाटा सृजना हुने र त्यसले मुलुकलाई गृहयुद्धमा लैजाने उहाँको अड्कल छ । यसका लागि अहिले बिभिन्न देशहरुले बिभिन्न नाममा मधेशमा पैसाको खोलो बगाइरहेकोपनि उहाँको खुलासा छ ।
मधेश केन्द्रीत दल र तीनका नेताहरुबिरुद्ध नै मधेशमा बिद्रोह सुरु हुने अहिराजको दाबी छ । मधेशका नाममा आफनो मात्र स्वार्थ पूर्ती गर्नेतर्फ लागेकाले उनीहरुको भविश्य नभएको अहिराजको ठोकुवा छ । मधेशले ‘समभाव’ खोजेको छ, डा. अहिराज भन्नुहुन्छ, ‘मधेशी जनताले ‘समभाव’ मात्र खोजेका छन् ।
केन्द्र सरकारले बिभेदरहित ढंगले सम्मानजनक व्यवहार मात्रै गरेपनि धेरै समस्याको समाधान हुन्छ । उहाँले थप्नुभयो सबैलाई समान ब्यवहार गर्नुपर्छ अनेकौँ प्रदेश खारेज गर्नुपर्छ । अनि दलहरुमाथी कठोर बन्दै २ विचारमा मात्र प्रतिस्पर्धा हुनेगरी २ दलिय व्यवस्था लागू गर्नुपर्छ । उहाँले दावी गर्नुभयो यही सिराबाट एकदिन समाधान खोजिनेछ । त्यो बेला पूर्व राजाकोपनि स्थान आउनसक्छ ।
