जनताको जस्तो अवस्था त्यस्तै जीवनशैलीका नेपाली राजनीतिज्ञ : तस्विले नै सम्मान भाव प्रकट
नेपालमा राजनीति गर्ने व्यक्तिहरु विलासी भएको आरोप लाग्ने गर्दछ । नेपालको सबैभन्दा धेरै भ्रष्ट्राचार भएको क्षेत्र नै राजनीति भएको धेरैको आरोप छ । एक कार्यक्रममा चर्चित हास्य कलाकार मदनकृष्ण श्रेष्ठले नेपालमा सबैभन्दा भ्रष्ट्रचार भएको राजनीति भएको दावी गर्नुभएको थियो ।
प्रशासन क्षेत्रमा भन्दा धेरै आर्थिक अनिमियता नेताहरुमा वा राजनीतिक दलहरुमा हुने देखिएको छ । नेपालमा मुल धारको राजनीतिमा भएका नेताहरुले गरेको चमत्कारिक परिवर्तनका अगाडी जनता पनि चकित परेका छन् । जनताको लागि लामो समय संघर्ष गरेका , सबथोक छोडेर हिडेका नेताहरुको विलासी जीवनशैली देख्दा जनतामा एक प्रकारको आक्रोश दखिन्छ ।
पछिल्ला दिनहरुमा नेपालमा वैकल्पिक राजनीति पनि विकसित बन्दै गएको छ । नेपाली जनताले राजनीति भनेपछि फोहोरी खेल भएको भन्दै नेताहरुमा भएको विश्वास विस्तारै कम गर्न थालेका छन् । विकल्पमा आएका शक्तिहरुले जनतामा आफ्ना कुराहरु लिन सकेनन् वा जनतालाई बुझाउन सकेनन् ।
निर्वाचनमा कतिपय स्थानमा आफ्नो नेताहरुको बारेमा सब कुरा जानकारी भएर पनि उसैलाई जिताउँनु पर्ने बाध्यता जनतामा रहेको छ । आज हामी वैकल्पिक शक्तिको रुपमा रहेको बिबेकशील साझा पार्टीका प्रवक्ता सुर्यराज आर्चायको बारेमा कुरा गर्न गइरहेका छौ । आर्चाय ३२ बर्ष बिशिष्ठ श्रेणीको जागिर खानु भएको थियो । उहाँ अझै पनि टेम्पोमा यात्रा गर्नुहुन्छ । काठमाडौमा भाडाको घरमा बस्नुहुन्छ । उहाँ अन्तर्राष्ट्रिय रुपमा ख्यातिप्राप्त पूर्वाधारविद हुनुहुन्छ ।
उहाँ निकट व्यक्तिहरु भन्छन् उहाँले कार चढ्न नसक्ने होईन् तर उहाँ भित्र कुनै घमण्ड छ न कुनै पूर्वाग्रह छ । यो तस्विर सामाजिक सञ्जालमा एकदमैं भाइरल भइरहेको छ । जनमोर्चाका नेता एवम पूर्वमन्त्री चित्र बहादुर केसी पनि टेम्पोको यात्रा गर्नुहुन्छ । उहाँले पनि राजनीतिमा लामो समय बिताउँनु भएको छ तर उहाँमा पनि घमण्ड देखिदैन ।
अर्को तिर नेकपा नेता एवम अहिलेका सामान्य प्रशासनमन्त्री लालबाबु पण्डितले पनि टेम्पो देखि साइकलसम्म यात्रा गर्नुभएको छ । उहाँको आफ्नो नीजि गाडी, र काठमाडौंमा घर नभएको जनाइन्छ । उहाँ सरकारमा गएपछि केही समय आलोचनको शिकार बन्नु परेको थियो । उहाँले आफुले मागेको नभई सरकारले दिएको सुविधा प्रयोग गरेको प्रतिकृया दिनु भएको थियो ।
