पत्नीको उपचारका लागि अमेरिका जाँदै प्रचण्ड, फेरि के भयो सीता दाहाललाई ?
नेपाल कम्युनिष्ट पार्टीका अध्यक्ष पुष्पकमल दाहाल प्रचण्ड पत्नी सीता दाहालको उपचारका लागि अमेरिका जाने भएका छन् ।
लामो समयदेखि अस्वस्थ सीताको उपचारका लागि चैत ४ गते प्रचण्ड अमेरिका जान लागेका हुन् । उनको साथमा छोरी गंगा दाहाल पनि अमेरिका जाने जनाइएको छ ।
वासिङटन डिसीस्थित नेपाली दूतावास स्रोतकाअनुसार सीताको उपचार वाल्टिमोरस्थित जोन हप्किन्स अस्पतालमा हुनेछ । प्रचण्ड करिव ११ वर्षपछि अमेरिकाको भ्रमणमा जाँदैछन् ।
यसअघि सीताको उपचार वैंकक र सिङ्गापुरमा भए पनि त्यहाँ ठिक हुन नसकेपछि अमेरिका लैजाने तयारी भएको जनाइएको छ । छोरा प्रकाश दाहालको निधनपछि उनको स्वास्थ्य अवस्था झन् कमजोर बनेको पारिवारिक स्रोत बताउँछ ।
भेनेजुयला प्रकरणअघि नै प्रचण्ड अमेरिका जाने तयारी भए पनि व्यस्तताका कारण उनको भ्रमण हुन पछि सरेको थियो । भेनेजुयला प्रकरणपछि कतिपयले उनलाई अमेरिका नजान सुझाव दिए पनि अन्ततः प्रचण्ड अमेरिका जाने निश्चित भएको छ ।
