ट्विटरमा चल्न थाल्यो नेकपा नेताको फाइट, रिमालले यस्तो लेखेपछि रावलले भने-दलाल
मधेस गठबन्धनका संयोजक सिके राउतसँग सरकारले गरेको सहमतिलाई लिएर नेकपा नेताहरुबीच आपसमा आरोप प्रत्यारोप सुरु भएको छ ।
प्रधानमन्त्रीका मुख्य राजनीतिक सल्लाहकार विष्णु रिमालले सरकारले गरेको सहमतिको विरोध गर्नेहरुलाई ब्यंग गर्दै समाजिक सञ्जाल ट्वीटरमा कविता लेखे:
नेताहरू..
झुक्किए, फसे वा फसाईए
या तिनिहरूले गल्ति नै गरे पनि
कोईवात छैन( हामी धन्य छौं
मुलुक जोगाउने एक–स–एक उहाँहरू हुनुहुन्छ ।
आङ् सिरिङ्ग हुन्छ
र, साह्रै आश्चर्य लागि रहेको छ,
उहाँहरूको जन्म अघि
यो मुलुक कसरी जोगिए छ ?!
आफ्नै पार्टीका नेता भिम रावलप्रति लक्षित गर्दै रिमालले यस्तो कविता लेखेपछि भिम रावलले पनि कडा टिप्पणी गर्न भ्याए । जवाफमा रावलले लेखे, ‘देश टुक्र्याउने घोषणा गर्नेलाई नायक बनाउने काम नगरौँ, तराई विभाजन गर्ने षड्यन्त्रबाट सचेत हौँ ।’
‘दलालहरूको आँखामा दलालै संसार !
देश टुक्र्याउने घोषणा गर्नेलाई नायक बनाउने काम नगरौ, नेपालको तराईलाई विभाजन गर्ने षडयन्त्रबाट सचेत हौं भन्ने दलाल हुने, देश विभाजनको षडयन्त्र गर्नेलाई बोक्ने र प्रसंशा गर्ने खाँटि इमान्दार ! कुतर्कको पराकाष्टा !’
