पूर्व राजा ज्ञानेन्द्र शाहको मध्य तराईको भ्रमण फागुन २९ बाट सुरु हुने भएको छ । पूर्व मुमा बडामहारानी रत्न शाहको स्वास्थ्यमा आएको खराबीका कारण स्थगित उक्त भ्रमण सुचारु हुन लागेको हो ।

 

पूर्व राजा शाहका निजी सचिव फणि पाठकका अनुसार पूर्व मुमाबडामहारानीको स्वास्थ्यमा आएको सुधार पछि भ्रमणको नयाँ तालिका बनाइएको हो ।

 

पूर्व राजा शाहले फागुन २९ गते धुनषाबाट मध्य तराईको भ्रमण सुरु गर्नु हुने भएको छ । उहाँले फागुन २९ गते जनकपुर स्थित जानकी मन्दिरमा पूजा अर्चना गर्ने कार्यक्रम रहेको छ ।

 

त्यसपछि उहाँले सर्लाही , तराई तथा पहाडको संगम मानिएको उदयपुर र सप्तरीको भ्रमण गर्नु हुने भएको छ । भ्रमणको क्रममा उहाँले बिभिन्न देवालय , मन्दिर तथा शक्तिपीठहरुमा पूजा अर्चना गर्ने कार्यक्रम तय भएको छ ।

 

त्यस्तै भ्रमणको क्रममा पूर्व राजा शाहले स्थानीय राजनीतिक दलका बिभिन्न नेता तथा कार्यकर्ताहरुसंग पनि भेट गरि मुलुकको पछिल्लो राजनीतिक अवस्थाको बारेमा परामर्श गर्ने कार्यक्रम रहेको छ । उहाँले भ्रमणको क्रममा स्थानीय जनतासंग पनि उनीहरुको समस्याको बारेमा छलफल गर्ने बुझिएको छ ।

 

सिके राउतलाई युवा संघको चेतावनी : सरकारको इमानदार प्रत्यत्नलाई कमजोरी नठान्नु

 

युवा संघ नेपालले सिके राउत समुहलाई सरकारसग भएको सहमति अक्षरस पालना गर्न चेतावनी दिएको छ । उसले सरकारको इमानदार प्रयत्नलाई कमजोरी नठान्न समेत भनेको छ ।

 

युवा संघका अध्यक्ष रमेश पौडेलले जनकपुरमा हिजो राउत समुहले गरेको गतिविधिले सहमति उल्लधंन गरेको बताउदै यस्ता गतिविधि जारी रहे अवस्था भयावह हुने बताउनु भयो । उहाले भन्नुभयो,‘ यसरी सहमति उलङ्घन गर्दै जाने हो भने र सहमतिअनुसार नचल्ने हो भने हामी मात्रै चल्नु पर्छ भन्ने हुन्न र त्यसको परिणाम भयावह हुनेछ । यो देशकोकुनै भुभाग त के एक चिम्टी माटो पनि हाम्रो प्राण भन्दा प्यारो छ हेक्का रहोस ।’

 

उहाले समाजिक सञ्जालमा राखेको भनाई यस्तो छ-

‘सिके राउतका कार्यकर्ताले जनकपुरमा जे गरे त्यो कुराले सरकारसँगको सहमति उलङ्घन भएको छ । यसरी सहमति उलङ्घन गर्दै जाने हो भने र सहमतिअनुसार नचल्ने हो भने हामी मात्रै चल्नु पर्छ भन्ने हुन्न र त्यसको परिणाम भयावह हुनेछ । यो देशकोकुनै भुभाग त के एक चिम्टी माटो पनि हाम्रो प्राण भन्दा प्यारो छ हेक्का रहोस ।

 

फेरि पनि सरकारको ईमानदार प्रयत्नलाई कसैले कमजोरी नठाने हुन्छ । देशको सर्वोपरि हित नै हामी सबैको अभिष्ट हुनु पर्दछ । अझै हेर्दै जाउ । आतिनु पर्ने केही छैन । देशलाई बलियो र समृद्ध बनाउनु नै हामी सबको कर्म र धर्म हो । पपुलर हुन के भन्ने र गर्ने भन्दा पनि देशको हित के गर्दा हुन्छ त्यो सोचौ । विकाउ कुरा हैन टिकाउ कुरा गरौ ।’