उत्तर कोरियामा निर्वाचन : मतपत्रमा किमको मात्र नाम
उत्तर कोरियामा नाम मात्रको निर्वाचन आज हुँदै छ । जहाँ संसदको निर्वाचनका लागि छापिएको मतपत्रमा किम जोङ उनको मात्र नाम छ । किम सत्तामा आएपछि उत्तर कोरियामा दोस्रो पटक संसदीय निर्वाचन हुन लागेको हो।
अधिकारविहीन संसदको निर्वाचनका लागि छापिएको मतपत्रमा एक मात्र उम्मेदवारका लागि विकल्प रहेको छ । १७ वर्षमाथिका नागरिकलाई मतदानका लागि अनिवार्य उपस्थित हुन निर्देशन दिइएको छ।
किम परिवारले शासन गरिरहेको उत्तर कोरियामा मतदानका लागि हरेक नागरिकलाई उर्दी जारी गरिने गर्छ । यसअघि शतप्रतिशत मतदान भएको थियो । निर्वाचनलाई उत्तर कोरियाले जनगणनाका रूपमा लिने गरेको छ।
उत्तर कोरियामा निर्वाचन एक मात्र विकल्प रहे पनि गोप्य मतदानका लागि समेत नागरिक डराउने गरेको अन्तर्राष्ट्रिय सञ्चारमाध्यमले जनााएका छन् । उत्तर कोरियाको संसदलाई कुनै पनि कानुन निर्माणका लागि नेता किमको स्वीकृतिपछि मोहर मात्रै लगाउने अधिकार छ।
यस्ताे छ मतपत्र
