सिडनीमा निश्मा श्रेष्ठको सडक दुर्घटनामा मृत्यु
अस्ट्रेलियाको मेलबर्नस्थित ग्लेनरोय बस्दै आएकी नेपाली विद्यार्थी निश्मा श्रेष्ठको सडक दुर्घटनामा निधन भएको छ ।
९ महिनाअघि मेलबर्न आएकी श्रेष्ठ मेलबर्नको लाट्रोब विश्वविद्यालयमा अध्ययनरत थिइन् । नेपालमा उनको घर काभ्रे जिल्लामा पर्छ ।
काम सकेर बिहान १ बजे घर फर्कैदै गर्दा सडक पार गर्ने क्रममा उनलाई गाडीले ठक्कर दिएको थियो ।
दुर्घटना पश्चत गाडी चालकले नै प्रहरीलाई खबर गरेका थिए । उपचारकै क्रममा उनको गत मार्च ४ तारिखमा भएको थियो ।
निधन हुनुअघि उनले अङ्ग दान गर्ने निर्णय गरेकी थिइन् । उनका आफन्तहरू ७ मार्चमा मेलबर्न आइपुगेपछि मात्र अस्पतालले यो खबर औपचारिक रूपमा जानकारी दिएको छ ।
नेप्लिज एसोसिएसन अफ भिक्टोरिका अध्यक्ष तारा गैरेले दुर्घटनाको खबर पाएदेखि नै आफूहरू लगायत एनआरएनए र महावाणिज्य दूतावासका प्रतिनिधिहरू स्थानीय प्रशासन तथा अस्पतालको सम्पर्कमा रहेको बताए ।
श्रेष्ठको अन्त्येष्टी आगामी हफ्ता मेलबर्नमा गरिनेछ छ ।
