सिके राउत नेकपा प्रवेश गर्ने, ओली र प्रचण्डले माला लगाउने
स्वतन्त्र मधेसको एजेण्डासहित आन्दोलनरत सिके राउतले आफुले नेतृत्व गरेको स्वतन्त्र मधेस गठनबन्धन बिघंठन गरि नेकपा प्रवेशको तयारी गरेका छन । आजै दिउँसो गठबन्धन बिघंठन गर्ने तयारी भएको राउत निकट स्रोतले जानकारी दिएको छ ।
राज्यद्रोहको मुद्दामा हिरासतमा रहेका राउत र नेकपाको नेतृत्वबीच भित्रभित्रै भएको वार्तामा राउतले पृथकतावादी गतिविधि परित्याग गर्न आफुले नेतृत्व गरेको पार्टी समेत बिघठन गरि नेकपा प्रवेश गर्ने सहमति भएको थियो ।
समाचार स्रोतका अनुसार आज प्रधानमन्त्रीसहित नेकपाका शिर्ष नेताहरुको उपस्थितीमा स्वतन्त्र मधेश गठबन्धनको बिघंठन गर्ने तर नेकपामा राउतलाई दिने जिम्मेवारीको बिषयमा सहमति नजुटेका कारण पार्टी प्रवेशको घोषणा अर्को हप्ता गर्ने तयारी छ ।
अपरान्ह १ बजे राष्ट्रियसभागृहबाट प्रधानमन्त्री केपी शर्मा ओलीले विशेष सम्बोधन गर्दै सिके राउतको पृथकतावादी गतिविधि समाप्त भएको घोषणा गर्ने भएका छन् ।
मधेसमा नेकपाको पहिलो जनसभा, एक लाख जनता उतार्ने तयारी
सत्तारुढ नेपाल कम्युनिस्ट पार्टी (नेकपा)को तल्ला कमिटीहरु एकीकरण प्रक्रिया अन्यौलमा परिरहेका बेला दुई अध्यक्ष शनिबार मधेस झर्ने भएका छन् । पार्टी एकता र मधेस मुद्दामा नेकपाको सन्देश जनतालाई दिनका लागि २ नम्बर प्रदेश कमिटीले रौतहटमा जनसभा गर्न लागेको हो ।
रौतहटको गरुढामा हुने प्रदेशस्तरीय जनसभालाई प्रधानमन्त्री तथा अध्यक्षद्वय केपी शर्मा ओली र पुष्पकमल दाहाल प्रचण्डले सम्बोधन गर्ने प्रदेश इञ्चार्ज सत्यनारायण मण्डलले बताए । उनले २ नम्बर प्रदेशका आठै जिल्लाबाट एक लाख जनता उतार्ने तयारी भइरहेको जानकारी दिए ।
संविधान जारी भएदेखि पार्टीले मधेसमा एउटा पनि राजनीतिक वैचारिक सभा प्रदेशस्तरमा गर्न नसकेकाले प्रदेश कमिटीले यसपटक ठूलो जनसहभागितामा पार्टीको सन्देश प्रवाह गर्न खोजेको उनले बताए । जनसभामा नेताहरुले नेकपाको मधेस नीतिबारेमा जनतालाई जानकारी दिने मण्डलले बताए ।
पछिल्लो समय नेकपाको पार्टी एकता कार्यदलसमेत भंग भएपछि तल्ला कमिटी र जनवर्गीय संगठनहरुको एकीकरण अन्यौलमा परेको छ । यसबीचमा सचिवालय बैठक बोलाउन नेताहरुले आग्रह गरिरहेका बेला अध्यक्षद्वय ओली र प्रचण्ड जनसभामा निस्कन लागेका हुन् ।
