प्रहरीको पाइन्ट, स्वेटर, ज्याकेट खरिदमा पचास करोडको चलखेल

हाम्रो इकोनोमि

 

नेपाल प्रहरीले आर्थिक बर्ष सकिन साँढे ४ महिनाअघि चुस्तादेखि ऊलन पाइन्ट, ऊलन स्वेटर, पार्का ज्याकेट खरिदका लागि आपूर्तिकर्तालाई बोलपत्र स्वीकृत गर्ने आसयपत्रको लागि सूचना निकालेको छ । जाडोमा खरिद गर्नुपर्ने सामान आगामी असारमा समेत आउने छेकछन्द नभएको प्रहरी स्रोत बताउँछ । प्रहरीले २०७५ फागुन १४ गते चार किसिमका सामान खरिदको आसयपत्र जारी गरेको थियो ।

२०७५ फागुन १७ गते थप ७ थरीका सामान खरीदका लागि आसयपत्रको सूचना निकालेको हो । प्रहरीले लगभग पचास करोड रुपैयाँ बराबरका सामान खरीदका टेण्डर स्वीकृति गरिएका प्रायः ठेकेदारहरू प्रबन्धका हाकिमहरूसँग कनेक्सन भएका हिजोका सेटि¨वाला रैथानेहरू नै रहेका छन् ।

जाडोमै खरीद गर्नुपर्ने सामान आर्थिक बर्षको आठ महिना बितेपछि टेण्डर स्वीकृत गरिएको छ । ७ दिनको समय आसयपत्रका लागि र सम्झौताका लागि थप २१ दिनको समय दिनुपर्ने हुन्छ । २०७५ चैत ७ गतेभित्र सम्झौता भए कानूनअनुसार १ सय २० दिनभित्र सामान बुझाउने समय ठेकेदारहरूले पाउँछन् । ठेकेदारहरूका अनुसार, १ सय २० दिनभित्र पनि सामान बुझाउन गाह्रो कठिन हुन्छ ।

यसअघि तोकिएको समयमा सामान नबुझाएर पटक पटक म्यादथप गर्नुपरेको नजिर छ । त्यही आधारमा पनि यो आर्थिक बर्षको असार मसान्तभित्रै ठेकेदारहरूले सामान बुझाउनसक्ने अवस्था छैन । प्रहरीले टेण्डर नै ढिला गरेका कारण २०७६ असार मसान्तभित्रै ठेकेदारहरूले सामान बुझाउन गाह्रो पर्ने स्रोत बताउँछ । त्यसकारण यो आर्थिक बर्षमा पनि प्रहरीले चुस्तादेखि आवश्यक सामान पाउन सम्भव नभएको स्रोत बताउँछ ।

प्रहरीको टेण्डर पाउनेमा प्रबन्धका हाकिमहरूसँग साँठगाँठ भएका सेटि¨ वाला हिजो चलखेल गर्दै आएका रैथाने ठेकेदारहरू नै रहेका छन् । ७ करोड ९७ लाख ४० हजारको चुस्ताको ठेक्का ज्ञानेन्द्र बस्नेतको प्लस प्वाइन्ट टे«डिङ नयाँबानेश्वरले मिलेमतोमा हात पारेको स्रँेत बताउछ छ । बस्नेतकै जय सलिना इन्टरप्राइजेजले ४ करोड ५१ लाख ८ हजारको कटन सर्टको ठेक्का पाएको छ । ज्ञानेन्द्र बस्नेतकै स्वामित्वको यूरेसिया बिजनेश प्रालिले ७९ लाख ८० हजार मूल्य बराबरको मस्क्वीटो नेट सप्लाइ गर्ने ठेक्का पाएको ठेकेदार स्रँेत बताउछ ।

२ करोड ५६ लाख २५ हजार ५ सय रुपैयाँको ऊलन पाइन्टको ठेक्का राजमान मिश्रको जे.एम.बी.डी. इन्टरनेशनल चावहिलले पाएको छ । ठेकेदार मिश्रको जीभीएम इन्टरनेशन नामक कम्पनीलाई सेनाले कालोसूचीमा राखेपछि उनले जे.एम.बी.डी. इन्टरनेशनल दर्ता गरी ठेक्का लिंदै आएका छन् ।

 

६४ लाख ६० हजारको रुक्स्याक ब्यागको ठेक्का दीपक भट्टको क्रोनवाल बिजनेश ट्रेडर्स नागार्जुनले पाएको छ । पिताम्बर मुन्काको क्राउन टेक्सटाइलले २ करोड ४६ लाख ३७ हजार ५ सय रुपैयाँको अन्डर ट्राउजर भेष्ट सेट र २ करोड २८ लाख ९६ हजारको ऊलन स्वेटरको ठेक्का प्रहरीबाट पाउन सफल भएको छ ।

३ करोड ५५ लाख ७२ हजार ५ सयको पार्का ज्याकेटको ठेक्का टोपेन्द्र बीसीको क्यामो फ्ल्याग नेपाल टे«डिङ प्रालि क्षेत्रपाटीले पाएको छ । बीसी नेपाल टेलिकमका कर्मचारी हुन् । उनले श्रीमतीको नाममा कम्पनी दर्ता गरी सुरक्षा निकायमा करोडौंको ठेक्काको काम गर्दै आएको स्रँेत बताउछ ।

रितेश अग्रवालको एसके टे«डर्स धरान सुनसरीको १ करोड ५० लाखको स्लीपीङ ब्याग आपूर्ति गर्ने बोलपत्र स्वीकृत भएको छ ।
सबैभन्दा ठूलो रकमको ठेक्का सिप्रदी ट्रेडिङले पाएको छ । फोर ह्वील डबल क्याब पिकअपका सप्लाईका लागि १२ करोड २४ लाख ८९ हजार ११५ रुपैयाँ १ पैसाको सिप्रदीको टेण्डर स्वीकृतिका लागि आसयपत्र सार्वजनिक गरिएको छ ।

प्रशासन विभागका प्रमुख एआइजी ठूले राई, प्रबन्धका डीआइजी नारायण खड्का, डीएसपी नवराज थापा र इन्स्पेक्टर केशवप्रसाद गौतमले प्रहरीमा विगतदेखि नै काम गर्दैआएका ठेकेदारहरूसँग नै सेटिङ मिलाएर ठेक्का दिएको आरोप छ । आइजीपी सर्वेन्द्र खनाललाई गुमराहमा राखी नमूना टेष्टको गुणस्तर रिपोर्ट नै गडबड गरी कागजपत्र तलमाथि पारेर ठेक्का स्वीकृत गरेको आरोप प्रबन्धका हाकिमहरूमाथि लागेको छ ।

गुणस्तर टेष्टको रिपोर्टमात्र होइन, कागजात नै नपुगेका बोलपत्र पनि स्वीकृत गरिएको अख्तियार दुरुपयोग अनुसन्धान आयोगले छानबिन गरे पुष्टि हुने प्रहरी स्रोतको दाबी छ । स्रोतका अनुसार, एकातिर आर्थिक बर्षभित्र सामान आउने निश्चितता छैन भने अर्कोतिर प्रक्रिया नै नपुगेका बोलपत्र आर्थिक चलखेलका आधारमा स्वीकृत गरिएको छ । साँघु साप्ताहिकबाट