टुँडिखेलमा पाइलटकी आमा “मेरो छोरा मेरो बाबु” भन्दै पार्थिवमा ढलिन् अँह प्रभावकरले बोलेनन्
बुधबार ताप्लेजुङमा दुर्घटनाग्रस्त हेलिकप्टरका पाइलट थिए प्रभाकर जोशी ।
खबर आए अनुसार मौसम खराब भएका कारण अहिले नै उडान भर्न सकिन्न भनेर उनले टावरलाई जानकारी दिएका थिए ।
तर सवार टीमले अर्को राम्रो रुट भएको दावी गरेपछि उनले टेकअप लिएका थिए ।
पाथिभरा मन्दिरबाट टेकअप लिएको एक मिनेट वित्न नपाउँदै हेलिकोप्टर पहाडमा जुध्यो । सवार सबै ७ जनाकै प्राणपखेर उडायो ।
जोखिम मोलेर हेलिकोप्टरको उडान भरेका जोशीको प्रयास सफल हुन सकेन र हेलिकोप्टर दुर्घटना भयो ।
दुर्घटनामा क्याप्टेन जोशी सहित संस्कृति पर्यटन तथा नागरिक उड्डयन मन्त्री रवीन्द्र अधिकारी र अन्य पाँच जनाले ज्यान गुमाए ।
दुर्घटनामा ज्यान गुमाए सवैको शव अन्तिम श्रद्धान्जलीको लागि टुँडिखेलमा राखियो ।
बिहान ८ बजेदेखि ११ बजेसम्म त्यहाँ राखिएको थियो । यसैक्रममा आफ्ना छोरा प्रभाकरलाई श्रद्धान्जली दिनका लागि टुँडिखेल पुगेका परिवारका सदस्य विक्षिप्त बनेका छन् ।
काठमाडौं ताहचलका प्रभाकर ‘योङ पाइलट’का रुपमा परिचित थिए । हिमाली क्षेत्रको अफ्ट्यारो परिस्थितिमा पनि उडान भर्न सक्ने उनी कुशल पाइलट थिए ।
तर उनको यो कुशलता शायद ‘दैव’ लाई मन परेन । कलिलै उमेरमा प्रभाकरको इहलिला समाप्त भयोे ।छोराको हसिलो अनुहार पनि अन्तिम क्षणमा आमा र परिवारका सदस्यले देख्न पाएनन् । दुर्घटनामा परेका प्रभाकरसहित अन्य सवैको शव चिन्न सक्ने अवस्थामा थिएन ।
शुक्रवार टुँडिखेलमा छोराको शवका टुक्राहरुसहितको पोका देखेपछि प्रभाकरकी आमा सम्हालिन सकिनन् ।
आशुका बलिन्द्र धारामा रुँदै उनले आफ्नो मातृत्व भाव प्रकट गरिन् । आफ्नो छोरालाई बोलाइन्, चिच्च्याइन्, अहँ प्रभावकरले सुनेनन् ।
मेरो छोरा मेरो बाबु ‘‘भन्दै भावविह्वल बनेकी आमालाई प्रभाकरका आफन्तले टुँडिखेलबाट बाहिर निकाले उनी त्यही बेहोस बनिन् ।
पार्थिव शरीरबाट टाँढिएपनि प्रभावकरको स्मरण आमाले कसरी भुल्न सक्नु होला । दुर्घटना अकल्पनीय हुन्छ ।
यो अकल्पनीय पीडामा प्रभाकरका परिवारलाई धर्यधारण गर्ने शक्ति मिलोस्, हार्दिक समवेदना ।
