‘शव संकलन गर्न आएको हेलिकप्टर ‘ल्याण्ड’ हुन सकेन, आकाशमै फन्को मारेर गयो…’
हेलिकप्टर दुर्घटनामा परी पर्यटन मन्त्री रवीन्द्र अधिकारीसहित ७ जनाको मृत्यु भएको छ । शव संकलन गरेर काठमाडौं ल्याउन दुर्घटनास्थलतर्फ गएका हेलिकप्टर ल्याण्ड हुन नसकेको प्रत्यक्षदर्शी जगत कार्कीले बताएका छन् ।
त्यक्षदर्शी कार्कीका अनुसार हेलिकप्टर जमिनमा ल्याण्ड गर्न नसकेर आकाशमै फन्को मारिरहेको छ । दुर्घटनास्थलमा लागेको बाक्लो कुहिरो अझैसम्म पनि नहटेको कार्कीले बताए ।
‘एउटा हेलिकप्टर आएर ल्याण्ड गर्न खोजेको थियो । बाक्लो कुहिरोका कारण ल्याण्ड गर्ने सकेन, त्यसपछि आकाशबाटै फन्को मारेर गयो,’ प्रत्यक्ष्यदर्शी कार्कीले लोकान्तरसँग भने । हेलिकप्टरमार्फत् मृतकका शव काठमाडौं ल्याउने तयारी भएता पनि हेलिकप्टर बस्न नसक्दा दुर्घटनास्थलमा शव यत्तिकै रहेका छन् ।
शव काठमाडौं ल्याउनका लागि डाइनेष्टी एयर र सिम्रिक एयरको हेलिकप्टर सुकेटार विमानस्थलमा १५:५५ बजे ल्याण्ड भएको र नेपाली सेनाको थप २ वटा हेलिकप्टर दुर्घटनास्थलतर्फ उडेको नेपाल प्रहरीको केन्द्रीय समाचार कक्षले जनाएको छ ।
