डा. बाबुराम भट्टराईको नयाँ शक्ति पार्टी कांग्रेसमा बिलय हुँदै, आखिर नयाँ शक्ति पार्टी किन यसरी हल्लियो ?
रसुवामा नेपाली कांग्रेस र नयाँ शक्ति पार्टीबीच एकता हुने भएको छ । नेपाली कांग्रेस रसुवाले मिडिया डवलीलाई दिएको जानकारी अनुसार सोमबार दिउँसो विशेष कार्यक्रमको आयोजना गरि कांग्रेस र नयाँ शक्तिबीच पार्टी एकता हुन लागेको हो ।
नेपाली कांग्रेसले भब्य समारोहकाबीच सोमबार दिउँसो नेकपाका नेताहरुलाई पार्टी प्रवेश गराउने जनाएको छ ।
पार्टी सभापति शेरबहादुर देउवा, वरिष्ठ नेता रामचन्द्र पौडेल, महामन्त्री डा शशांक कोइराला, सहमहामन्त्री डा प्रकाशशरण महत, प्रवक्ता विश्वप्रकाश शर्मा, केन्द्रीय सदस्य गगन थापा लगायतका नेताहरुले नयाँ शक्तिका नेतालाई पार्टीमा प्रवेश गराउने कार्यक्रम रहेको छ ।
नयाँ शक्तिबाट ५ हजार भन्दा बढी नेता तथा कार्यकर्तासंग कांग्रेसमा प्रवेश गर्ने एक नेताले बताए । नयाँ शक्तिका जिल्ला संयोजक फुर्वा वाङ्दी तामाङको नेतृत्वमा नयाँ शक्तिबाट पार्टीको रसुवा जिल्ला कार्यसमिति कांग्रेसमा बिलय हुन लागेको हो ।
रसुवाबाट एउटा गाउँपालिकामा नयाँ शक्तिले क्लिनस्वीप नै गरेको छ । यो एकताले केन्द्रमा पनि ठूलै सन्देश दिने बताइएको छ ।
नयाँ शक्तिका केन्द्रीय संयोजक डा बाबुराम भट्टराई नयाँ सोचका साथ देश दौडाहामा रहेका बेला यसरी ठुलो संख्यामा नेता कार्यकर्ताले पार्टी परित्याग गर्नुलाई अर्थपूर्ण रुपमा हेरिएको छ ।
