‘अनमोलसँग खेल्ने प्रस्ताव आएको छैन’ : साम्राज्ञी
फिल्म ‘ड्रिम्स’ मा नायक अनमोल केसी र नायिका साम्राज्ञी राज्य लक्ष्मी शाहको जोडीलाई दर्शकले रुचाए
। भुवन केसी निर्देशित फिल्म हिट भयो ।
साम्राज्ञी पनि हिट भइन् । तर अनमोल र साम्राज्ञी ड्रिम्स पछि दोश्रो फिल्ममा देखिएका छैनन् । किन त ?
गत शुक्रबार फिल्म ‘मारुनी’ को मुर्हतमा साम्राज्ञीले अनमोल सँग फिल्ममा नदोहोरिनुको कारण खुलाइन् ।
‘मलाई र अनमोललाई लिएर फिल्म बनाउँन कसैले पनि प्रस्ताव राख्नु भएको छैन’, साम्राज्ञीले सुनाइन् ।
प्रस्ताव आयो भने खेल्नु हुन्छ त ? उनले भनिन्, ‘नखेल्ने भन्ने त कुरै हुँदैन । राम्रो स्क्रिप्ट आयो भने पक्कै पनि खेल्छु ।’
यस्तै उनले अनमोलको नयाँ फिल्म ‘क्याप्टेन’ को ट्रेलर पनि मन परेको प्रतिक्रिया दिइन् ।
साम्राज्ञी यतिबेला ‘मारुनी’को वर्कसपमा व्यस्त छिन् भने अनमोल फागुन १७ गतेदेखि प्रदर्शनमा आउने फिल्म ‘क्याप्टेन’ को प्रचारमा व्यस्त छन् ।
अनमोल र साम्राज्ञीलाई लिएर कसले बनाउँला त दोश्रो फिल्म ?
