गंगामायाले पासपोर्ट लिएलगतै सत्ता र प्रतिपक्षका शीर्ष नेता आकस्मिक शीतल निवासमा !
प्रमुख सत्तारुढ दल नेकपाका दुई अध्यक्ष र प्रमुख प्रतिपक्ष दल नेपाली कांग्रेसका सभापतिसहित दुई प्रमुख नेता आइवार साँझ राष्ट्रपति कार्यालय शीतल निवासमा पुगे । गंगामाया अधिकारीले जिल्ला प्रशासन कार्यालय काठमाडौंबाट पासपोर्ट लिएलगतै सत्ता र प्रतिपक्षका चार नेता शीतल निवास पुगेका हुन् ।
उनीहरुलाई राष्ट्रपति विद्यादेवी भण्डारीले बोलाएकी थिइन । राष्ट्रपतिको निमन्त्रणापछि प्रधानमन्त्री एवं नेकपा अध्यक्ष केपी शर्मा ओली, अर्का अध्यक्ष पुष्पकमल दाहाल प्रचण्ड, नेपाली कांग्रेसका सभापति शेरबहादुर देउवा र बिजयकुमार गच्छदार शीतल निवास पुगेका थिए ।आइतवार साँझ पाँच बजे शीतल निवास पुगेका शिर्ष चार नेता र राष्ट्रपति भण्डारीबीच एक घण्टा छलफल चलेको थियो । छलफलको मुख्य केन्द्र संक्रमण कालिन न्याय र गंगामायाको पासपोर्ट थियो ।
संक्रमण कालिन न्यायलाई लिएर नेपालको शान्ति प्रक्रिया खलबल्याउन खोजेको आशंका गर्दै चार नेता शीतल निवासमा जम्मा भएका थिए । नेपालको आन्तरिक समस्यालाई लिएर केही अधिकारकर्मीहरु गंगामाया मार्फत अन्तर्राष्ट्रिय समुदाय गुहार्न लागेपछि मुख्य दुई दलले चासो देखाएका हुन् ।
त्यहाँ समसामयीक बिषयमा छलफल भएको देउवाका सहयोगी भानु देउवाले बताए । राष्ट्रपति, प्रधानमन्त्री र देउवाको सचिवालयले पछिल्लो घटनाक्रमलाई लिएर छलफलका भएको पुष्टी गरेपनि छलफलको बिषय भने गोप्य नै राखेका छन् । तर छलफलमा नेपालको शान्ति प्रक्रियालाई अन्तिम निस्कर्षम पुग्न नदिन केही पश्चिमा राष्ट्रहरु लागि परेको निस्कर्ष निकालिएको छ ।
राष्ट्रपति कार्यालय स्रोतका अनुसार संक्रमण कालिन न्यायलाई लिएर देशी विदेशी केही तत्वहरु चलखेलमा जुटेपछि राष्ट्रपतिले दुई दलका शीर्ष चार नेतालाई शीतल निवास बोलाएकी थिइन । गंगामायालाई हतियार बनाएर केही तत्वहरुले नेपाललाई फेरि अशान्तितिर धकेल्न खाजेको नेताहरुले निस्कर्ष निकालेका छन् । यो मुद्दामा सत्ता र प्रतिपक्ष दलको सामान धारणा बनाउन राष्ट्रपति भण्डारीले चार नेतालाई शीतल निवास बोलाएकी थिइन ।
केही समयअघि संयुक्त राष्ट्रसंघका आवशीय प्रतिनिधिसँग गंगामायालाई भेटवार्ता गराएका ब्यक्तिहरुले नै आइतवार गंगामायाको पासपोर्ट बनाइदिएका छन् । अधिबक्ता ओमप्रकास अर्याल र सुरेन्द्र भण्डारी जिल्ला प्रशासन कार्यालय पुगेर गंगामायाको पासपोर्ट बनाएका हुन् । गंगामायालाई संयुक्त राष्ट्रसंघको मुख्यालयमा उभ्याउने तयारी उनीहरुले गरिरहेका छन् । युद्धका नाममा मानवताबादी अपराध गर्नेलाई नेपालमा कुनैपनि कारवाही नभएको संदेश विश्वमाझ दिन उनीहरुले खोजीरहेका छन् ।
