पशुपति शर्मालाई २५ हजार पुरस्कार दिने कांग्रेस सांसदको घोषणा

 

गायक पशुपति शर्मालाई नेपाली कांग्रेसका सांसद डा. अमरेशकुमार सिंहले २५ हजार रुपैयाँ पुरस्कार घोषणा गरेका छन् । सोमबार प्रतिनिधिसभाको शून्य समयमा बोल्दै उनले जनताको बोली गाउने गायक भन्दै शर्मालाई फागुन महिनाको पारिश्रमिकबाट २५ हजार रुपैयाँ पुरस्कार दिने घोषणा गरेका हुन् ।

 

पशुपति शर्माले गाएको लुट्न सके लुट कान्छा बोलको गीतमाथि सत्तारुढ नेपाल कम्युनिस्ट पार्टीको भातृ संगठनले गरेको विरोधप्रति लक्षित गर्दै सांसद सिंहले पुरस्कार घोषणा गरेका हुन् ।

 

‘त्यस्ता जनबोली गाउने गायकलाई म आफ्नो फागुन महिनाको पारिश्रमिकबाट २५ हजार रुपैयाँ दिने घोषणा गर्न चाहुन्छु’ उनले भने । दुई तिहाइको विरोधमा गीत बनाउन पाइन्छ भनेर सरकारले प्रतिबन्ध लगाउन खोजेको पनि आरोप लगाए । सिंहले भने ‘दुईतिहाई सरकारका अगाडि त्यस्तो गीत गाउन पाइन्छ, जनताको भावना व्यक्त गर्न पाइन्छ ?, त्यस्तोलाई त मुखमा ताला लगाउनुपर्छ, सुन्नेलाई कानमा मर्करी या सीसा पगालेर राख्नुपर्छ सरकारको यस्तो बुझाइले लोकतन्त्र कहाँ हो ?’ उनले सरकारले वुद्धिजीवि र कलाकारको भावनालाई सम्मान गर्न सक्नुपर्ने पनि बताए ।

 

पशुपति शर्मालाई प्रचण्डका ज्वाइँले साथ दिएपछि ओलीलाई तनाब

 

सत्तारुढ नेपाल कम्युनिस्ट पार्टी (नेकपा)का दोस्रो तहका अध्यक्ष पुष्पकमल दाहाल ‘प्रचण्ड’का ज्वाइँले जीवन आचार्यले गायक पशुतपति शर्माको गीत ‘लुट्न सके लुट कान्छा’ बोलको गीत मन परेको टिप्पणी गरेका छन् ।

 

कम्युनिस्ट प्रधानमन्त्री खड्गप्रसाद ओली नेतृत्वको सरकारले गायक शर्माको गतिलाई प्रतिबन्ध लगाएको अर्को दिन आचार्यले ‘लुट्न सके लुट् कान्छा’ भन्ने बालको गीतले आफूलाई भावुक बनाएको बताएका छन् ।

 

‘धेरै चर्चा परिचर्चापछि पशुपति शर्माको ‘लुट्न सके लुट् कान्छा’ भन्ने गीत पूरा भिडियो हेरे’, उनले फेसबुकमा लेखेका छन्, ‘यो गीत निकाल्न हुन्थ्यो हुँदैनथ्यो यो दोश्रो पाटो हो । वास्तवमा भन्ने हो भने यो गीतले मलाई चाहिँ भावुक बनायो ।’

 

‘प्रधानमन्त्री ज्यू अब ढिला नगरौं, म एउटा यूवाले राष्ट्रका लागि के गर्न पर्छ भन्नुहोस् मेरो एकमुट्ठी सास राष्ट्रका लागि… ता कि पशुपति शर्माहरूले फेरि यस्ता गीत गाउन नपाउन्’, आचार्यले भनेका छन् ।

 

कम्युनिस्ट सरकारले गायक शर्माको गीतलाई शनिबार रातिदेखि युट्युबबाट हटाउन लगाएको छ । शर्माको गीत हटाइएको विषयमा कम्युनिस्ट सरकारले कुनै पनि प्रतिक्रिया दिएको छैन ।

 

पूर्वएमाले निकटको नेपाल युवा संघले गायक शर्मालाई धम्की समेत दिएको छ । गीतले ओली नेतृत्वको कम्युनिस्ट सरकारलाई तनाव दिएको भन्दै युवा संघले आपत्ति जनाएको हो ।युवा संघले गायक शर्मालाई बहिस्कार गर्न पनि भनेको छ । युवा संघले गायक शर्मालाई धम्की पनि दिएको छ ।

पशुपति शर्मा गीत प्रकरण : प्रचण्ड पक्षको समर्थन, ओली पक्षको बिरोध !

रात्मक टिप्पणी गर्दै प्रचण्ड पक्षधर नेता कार्यकर्ताले उक्त गीतको बचाऊ गरेका छन् । त्यस मध्येका एक जना अखिल क्रान्तिकारीका पूर्व उपाध्यक्ष मदन चुडाल भन्छन्,‘कलाकारको सृजनाले के बोलेको छ भन्ने भावलाई नजरअन्दाज गर्न मिल्दैन, हामी लोकतान्त्रिक गणतन्त्रात्मक अवस्थामा छौं भन्ने विषय सबैले बुझ्न आवश्यक छ ।’

 

यता, शर्माको गीतप्रति ओली समर्थित तथा युवा संघका नेता र कार्यकर्ताले दबाबसहित हटाउन चेतावनी दिएका थिए भने कतिपयले सामाजिक सञ्जालमा सरकारको बचाउ पनि गरेका थिए ।

 

सामाजिक सञ्जालमा ओलनिकट मिना श्रेष्ठले शर्माको गीतको सफ्ट आलोचना गरेकी छन् । उनले गायक मन पर्ने भए पनि यो गीतमा भएका शव्दचयन गलत भएको बताएकी छन् ।

 

खुमलटार स्रोतले भन्यो,‘हामीले राजाविरुद्ध गीत गायौं, क्रान्तिको एउटा प्रयोग पनि हो । तर, अहिले यस्तो अवस्थामा गीतमाथि घोषित या अघोषित प्रतिबन्ध गर्न मिल्दैन ।’

शर्माको गीतको पक्षमा प्रमूख प्रतिपक्षी भने खुलेरै समर्थमा लागेको छ । नेपाली कांग्रेसका सहमहामन्त्री डा. प्रकाशशरण महतले लेखेका छन्,‘अब गीत पनि गाउन नपाइने कस्तो लोकतन्त्र ? यो लोकतन्त्र हो त ?’