लन्डनमा सुरु भयो ‘सम्हालिन्छ कहिले मन’
चलचित्र ‘सम्हालिन्छ कहिले मन’को छायांकन बेलायतको लण्डनबाट सुरु भएको छ ।
करिब ५० दिनको छायांकन सेड्यूलको साथमा यसका कलाकार र निर्माण टिम केही दिन अघि लण्डन पुगेको थियो ।
चलचित्रको मुहर्त सट नायिका पूजा शर्मा र नव–नायक सोनम तोप्देनले दिएका छन् ।
चलचित्रमा आकाश र सोनमको साथमा आकाश श्रेष्ठ, सरोज खनाल, गौरी मल्ल, धिरेन शाक्य लगायतका कलाकारको मुख्य भूमिका छ ।
चलचित्र सुदर्शन थापाको निर्देशनमा तयार भैरहेको छ ।
निर्देशक थापाले लण्डन, स्कटल्याण्ड र वेल्समा चलचित्रको छायांकन हुने जानकारी दिएका छन् ।
एबी इन्टरनेशलको ब्यानरमा निर्माण हुन लागेको चलचित्रको छायांकन बेलायतपछि नेपालको मुस्ताङमा हुनेछ ।
अमित बस्नेतको लगानी रहेको चलचित्रमा अंकित गौतम र सनिष खकुरेल कार्यकारी निर्माता रहेका छन् ।
चलचित्रमा परि राना र अजितकुमार थापा सह–निर्माताको रुपमा रहेका छन् ।
चलचित्रमा अर्जुन पोखरेल, सुगम पोखरेल र ताराप्रकाश लिम्बुको संगीत, सौरभ लामाको छायांकन, कविराज गहतराजको कोरियोग्राफी रहेको छ।
त्रिकोणात्ममक प्रेमकथामा तयार हुने चलचित्रमा महेश दवाडीको कथा रहेको छ ।
