सिक्सर्सको आठौं विकेट गयो, अर्को विकेट पनि सन्दिपकै नाममा
सेमिफाइनल पुग्नको लागि जित्नैपर्ने दबाबका बीच समूह चरणको अन्तिम खेल खेलिरहेको मेलबर्न स्टार्सले सिड्नी सिक्सर्सको आठौं विकेट लिएको छ । आठौं विकेटको रुपमा आउट भएका बेन ड्वार्सुइस पनि सन्दिपकै हातबाट आउट भएका छन् ।
बेन सन्दिपको बलमा कप्तान ग्लेन म्याक्सवेलको हातबाट क्याच आउट भएका हुन् । १६९ रनको लक्ष्य पच्छ्याएको सिड्नी सिक्सर्सको लगातार विकेट गएपनि निकै कमजोर भएको छ ।
बिग बाश लिगमा सुरुका ४ खेलमा सबैमा क्याप्टेनको विकेट लिएका सन्दिपले यो खेलमा पनि क्याप्टेनलाई आउट गरे ।
यद्यपि क्याप्टेनलाई आउट गराउन क्याच लिएका सन्दिपको नाममा यो विकेट गएन । कप्तान मोइस हेनरिक्सलाई आउट गराउने बल मेलबर्नका कप्तान ग्लेन म्याक्सवेलले फालेका थिए ।
१६९ को लक्ष्य पच्छ्याएको सिक्सर्सको १२ ओभरमा ८ विकेट गइसकेको छ र स्कोर मात्रै ६५ रन छ । अहिलेसम्मको खेल हेर्दा मेलबर्न स्टार्स सेमिफाइनल पुग्ने पक्का देखिएको छ ।
