राष्ट्रिय जनता पार्टी नेपाल (राजपा)का प्रतिनिधिसभाका सांसद एवम् सहमहामन्त्री रेशमलाल चौधरीले टीकापुर हत्याकाण्ड मच्चाएर भूमिगत भएका बेला तेस्रो पत्नी विवाह गरेको रहस्य बाहिर आएको छ ।

 

कैलालीको टीकापुर घटनामा नाबालकसहित नौ जना सुरक्षाकर्मीको सामूहिक हत्या गरेको घटनामा मुख्य आरोपीका रुपमा जेलमा रहेका चौधरीका तीन वटा पत्नी रहेको स्रोतले जनाएको छ ।पहाडे मूलकी पहिलो पत्नीबाट बच्चाको जन्म नभएपछि चौधरीले दोस्रो श्रीमती विवाह गरेका थिए ।

 

चौधरीले पहिलो पत्नी (जेठी) सँगको सल्लाहमै आफ्नै थर (थारु) की महिलालाई विवाह गरेका थिए ।त्यसपछि चौधरीले दुबै पत्नीलाई कैलालीमै राम्रै व्यवस्था गरेर राखेका थिए । टीकापुर हत्याकाण्ड भएपछि फरार भएका बेला राजपाका नेता एवम् सांसद चौधरीले प्रेम विवाह गरेको खुलासा भएको छ ।

 

तीन वटी पत्नीका पति चौधरी अहिले काठमाडौंको डिल्लीबजार कारागारमा जीवन विताइरहेका छन् । चौधरीलाई भेट्न तीन वटै पत्नी पालैपालो जेलमा आउने गरेको स्रोतको भनाइ छ ।

 

भूमिगत भएका बेला विवाह गरेकी कान्छी पत्नीसँग चौधरीको सम्बन्ध धेरै नजिक रहेको एक आफन्तले बताए । मीठो बोल्ने क्षमता भएका चौधरीका तीन पत्नीका बारेमा राजपा नेपालका शीर्षनेताहरूलाई समेत थाहा छैन ।

 

तर, केही दिन अगाडि राजपा नेपालका अध्यक्ष मण्डलका एक सदस्यले सांसद चौधरीको पक्षबाट वकालत गर्दै आएका अधिवक्तालाई फोन गरेर पत्नीहरुको बारेमा सोधीखोजी गरेको स्रोतले जनाएको छ ।

 

सांसद चौधरीका कानून व्यवसायीले तीन पत्नी रहेको खबर सुनाएपछि राजपा नेपालको बबरमहलस्थित पार्टी मुख्यालयमा ठूलो खैलाबैला भएको थियो । नेपाली सेनाका उच्च अधिकारीका साथै राणा परिवारसँग निकट सम्बन्ध राख्ने सांसद चौधरीलाई भूमिगत भएका बेला गीतकार सिन्धु राणाले संरक्षण गरेको आरोप पनि लागेको थियो । नेपाली सेनाका तत्कालीन प्रधानसेनापतिद्वय स्व.सत्चितशम्शेर राणा र गौरव शम्शेर राणालगायतले संरक्षण गरेको आरोप लागेको थियो । यूनाइटेड पोष्ट साप्ताहिकबाट

 

श्रीमती आफन्तकोमा गएको मौका पारी १२ वर्षीया छोरीमाथि बलात्कार

 

श्रीमती आफन्तको घर गएको मौका पारी अर्घाखाँचीका एक व्यक्तिले आफ्नै १२ वर्षीया छोरीलाई बलात्कार गरेका छन् ।  शीतगंगा नगरपालिकाको वडा नम्बर–६, आफ्नै बुबाबाट १२ वर्षीया छोरी बलात्कारको सिकार भएकी हुन । श्रीमती घरमा नभएको बेला डर त्राश देखाएर छोरी बलात्कार गर्ने बाबुलाई निजकै श्रीमतीको जाहेरीका आधारमा जिल्ला प्रहरी कार्यालय अर्घाखाँचीले पक्राउ गरेको छ ।

 

श्रीमतीका अनुसार श्रीमानले आफू घरभन्दा टाढा आफन्तको घरमा गएको बेला छोरी र श्रीमान मात्र घरमा भएको मौका छोपी डर त्राशसमेत देखाई १२ वर्षकी छोरीलाई राति बलात्कार गरेका हुन ।

 

आफ्नै श्रीमान भए पनि कानुन बमोजिम कार्बाही गरी पाँउ भन्दै जिल्ला प्रहरी कार्यालय अर्घाखाँचीमा पीडितकी आमाले जाहेरी दिएपछि घटना बाहिर आएको हो । आफ्नै बाबु भएकाले आरोपीको नाम, थर, वतन गोप्य राखी अनुसन्धान भइरहेको प्रहरी नायव उपरीक्षक नवराज मल्लले जानकारी दिए ।