अनशन तोड्ने डा. गोविन्द केसीको तयारी
चिकित्सा शिक्षा विधेयक प्रति असन्तुष्टी राख्दै अनशनमा बसेका डा. गोविन्द केसीले अन्तत: अनशन तोड्ने भएका छन् । गत पुस २५ गतेदेखि अनशनरत डा. केसीले आज साँझ अनशन तोड्न लागेका हुन् ।
डा. केसीको मागप्रति सरकारले कुनै चासो नदिएपछि उनले बाध्य भएर अनशन तोड्न लागेका हुन् । सरकारले डा. केसीसँग वार्ता गर्नुकाे कुनै तुक नरहेकाे बताएपछि केसी निरिह जस्तै बनेका थिए ।
स्रोतकाअनुसार सरकारले वार्ता गर्न कुनै चासो नदिएपछि डा. केसीले आफ्नो जीवनरक्षाका लागि अनशन तोड्ने भएका हुन् ।
डा. केसीलाई अनशन तोडेर खुसीयाली मनाउन सरकारले आग्रह गरेको थियो । प्रतिनिधिसभा र राष्ट्रियसभाबाट चिकित्सा शिक्षा विधेयक पास भइसकेको छ ।
२४ दिनदेखि अनशनरत डाक्टर केसीले त्रिवि शिक्षण अस्पतालमा अनशन तोड्ने भएका हुन् । हिजो मात्र कांग्रेस सभापति शेरबहादुर देउवाले अनशन तोड्न आग्रह गरेका थिए ।
