राणा र लोहनीको पार्टीबीच एकता, पार्टीको नाम राप्रपा सयुक्त
संविधान निर्माणका बेला राजतन्त्र छाडेर गणतन्त्रको पक्षमा उभिनु भएका राप्रपा (प्रजातान्त्रिक)का अध्यक्ष पशुपति शमशेर राणा पुन राजतन्त्रकै पक्षमा फर्किनु भएको छ ।
राप्रपा (प्रजातान्त्रिक) र ए. राप्रपा (राष्ट्रबादी) बिच एकताका आधार पत्रमा आज हस्ताक्षर भएको छ । पत्रमा दुवै दलका अध्यक्षद्धय पशुपतिशमशेर जवरा र प्रकाशचन्द्र लोहनीले हस्ताक्षर गर्नुभएको छ । सनातन धर्म सापेक्ष हिन्दू राष्ट्र र साझा संस्थाको रूपमा प्रजातन्त्र सहितको राजसंस्था पार्टीको बटम लाइन बनाउने पत्रमा उल्लेख छ ।
साथै एकीकृत पार्टीको नाम राप्रपा (संयुक्त) राख्ने निर्णय भएको छ भने झण्डा स्थापना कालको नै हुने र चुनाव चिन्ह हलो कायम गर्दै एकता सम्पन्न गर्ने निर्णय भएको छ ।
