फेरि अनसन सुरु गर्दै अन्ना हजारे
भारतमा भ्रष्टाचार विरोधी आन्दोलनका कारण चर्चित नागरिक अगुवा अन्ना हजारेले फेरि अनसन शुरु गर्ने भएका छन् ।
जन लोकपाल विधेयक कार्यान्वयनको माग गर्दै बुधबार आफ्नै गाउँमा अनसन बस्न लागेको भारतीय सञ्चार माध्यमहरूले जनाएका छन् ।
महाराष्ट्रको अहमदनगर, रालेगन सिद्धीमा अनसन बस्न लागेका हजारेले भारतीय प्रधानमन्त्री नरेन्द्र मोदीलाई पटक-पटक आग्रह गर्दा पनि विधेयक कार्यान्वयन नगरेको भन्दै आन्दोलन गर्न लागेका हुन् ।
केही दिनअघि उनले लोकपाल र लोकायुक्त नियुक्तको माग गरेर मोदीलाई पत्रसमेत लेखेका थिए ।
केन्द्र सरकारले जनतालाई पटक-पटक धोका दिएकाले आफू अनसन बस्न परेको तर आफ्नो अनसन कुनै पार्टी वा व्यक्तिविरुद्ध नरहेको हजारेको भनाइ छ ।
भारतीय सरकारबाट पेन्सन थाप्ने गरेका पूर्वसैनिक हजारेले १६ अगस्त २०११ मा लोकपाल विधेयक पारित गराउन माग गर्दै आमरण अनसन गरेका थिए ।
लोकपाल विधेयकमा के छ ?
विधेयकमा केन्द्रमा लोकपाल र हरेक राज्यमा लोकयुक्त गठन गर्नुपर्ने व्यवस्था छ । दुबै संस्था उच्च न्यायलय वा निर्वाचन आयोगसरह स्वतन्त्र हुनेछन् ।
कुनै पनि मुद्दा तीन महिनाभित्र पूरा हुनुपर्ने र सुनुवाइ छ महिनाभित्र भइसक्नुपर्ने उल्लेख छ । यस्तै भ्रष्ट ठहर भएका नेता, उच्च अधिकारी वा न्यायाधीशलाई वर्षदिनभित्र जेल पठाइसक्नु पर्नेछ ।
कुनै पनि नागरिकको काम तोकिएको समयमा भएन भने दोषी अधिकारीले जरिवाना तिर्नुपर्नेछ । जरिवाना रकम पीडित नागरिकलाई क्षतिपूर्ति दिइने छ ।
लोकपालका कुनै पनि कर्मचारी विरुद्ध उजुरी परेको अवस्थामा दुई महिना भित्र छानविन गरेर बर्खास्त गरिने भारतीय लोकपाल विधेयकमा उल्लेख छ ।
आँचल भन्छिन्– ‘पलसँग विवाह हुदैँ हुदैँन’
नायिका आँचल शर्मा र चललेटी नायक पल शाहको प्रेमको विषयमा चर्चा भइरहन्छ ।
मिडियामा पनि उनीहरुको प्रेमसम्बन्धको बारेमा ब्यापाक रुपमा चर्चा चल्छ । यद्यपि उनीहरुले आफुहरुबीच प्रेमसम्बन्ध नभएको बताउँदै आएका छन् ।
पल र आँचलको प्रेमको कुराले निरन्तरता पाइरहँदा नायिका आँचल शर्माले आफुहरुबीच प्रेमसम्बन्ध नरहेको पुनः दोहो¥याएकी छन् । एक मिडियासँगको कुराकानीमा आँचलले पलसँग विवाहको सम्भावना पनि नभएको बताएकी छन् । तपाईँ र पलको विवाहको सम्भावना कति प्रतिशत छ भन्ने प्रश्नको जवाफमा नायिका शर्माले ‘१ प्रतिशत पनि छैन’ भन्ने जवाफ दिएकी हुन् ।
आफ्नो कुरालाई थप स्पस्ट पादै शर्माले थपिन्, ‘हामीबीच साथीबाहेक अरु किसिमको सम्बन्ध नै छैन, कल्पनामा पनि नसोचेको कुरा हो ।’ आफुहरुबीच ब्यक्तिगत रुपमा विवाह गर्ने सम्मको सम्बन्ध भईनसकेको आँचलको तर्क छ । यद्यपी दर्शकहरुले केमेस्ट्री मनपराएकोमा खुसी ब्यक्त गरिन् ।
